Əhli-Beyt (əleyhimus səlam) – Beynəlxalq Xəbər Agentliyi- ABNA: İran və Rusiya Hərbi Dəniz Qüvvələrinin birgə dəniz təliminin sözçüsü Həsən Məqsudlu bildirib: İran İslam Respublikası və Rusiya Federasiyasının birgə dəniz təlimi sabah Oman dənizində və şimali Hind okeanı bölgəsində keçiriləcək.
Birgə dəniz əməkdaşlığını inkişaf etdirmək və iki ölkənin donanmaları arasında birgə əməliyyatların planlaşdırılması və həyata keçirilməsində əlaqələri gücləndirmək bu təlimin digər məqsədləridir.
Bu təlimin, İran İslam Respublikası Silahlı Qüvvələrinin digər təlimləri ilə birlikdə keçirilməsi, iki ölkənin Oman dənizində və şimali Hind okeanında mövcud inkişaflara diqqətini əks etdirir və tərəflərin dəniz əməkdaşlığını gücləndirməyə, birtərəfliliyə qarşı çıxmağa və bu bölgədə dəniz ticarətinin təhlükəsizliyini dəstəkləməyə sadiqliyini nümayiş etdirir.
Rusiya donanmasının komandiri baş leytenant Aleksey Sergeyev deyib: Biz istənilən bölgədə birgə təlimlər keçirməyə hazırıq.
Sizin rəyiniz