Əhli-Beyt (əleyhimus səlam) – Beynəlxalq Xəbər Agentliyi- ABNA: Azərbaycan Respublikasının Prezidenti Tehran və Bakı arasında qardaşlıq münasibətlərini vurğulayaraq bildirib: İki ölkə əvvəl olduğu kimi həm çətin, həm də xoş günlərdə bir-birinin yanında olacaq.
İlham Əliyev bu gün (şənbə) “X” sosial şəbəkəsində İran İslam Respublikasının Prezidenti Məsud Pezeşkianın təşəkkür mesajına cavab olaraq yazıb: “İran İslam Respublikasının hörmətli Prezidenti, qardaşım cənab Məsud Pezeşkianın Azərbaycan xalqının və dövlətinin göstərdiyi dəstəyə görə təşəkkürü xalqımız tərəfindən yüksək qiymətləndirilir.”
O əlavə edib: Dost və qardaş xalqlarımız əsrlər boyu bir-birini dəstəkləyiblər və bundan sonra da həm xoş, həm də çətin günlərdə daim bir yerdə olacaqlar.
Pezeşkian isə dünən “X” sosial şəbəkəsindəki hesabında yazıb: Qardaşım İlham Əliyevlə söhbətimdə Azərbaycan dövlətinin və xalqının göstərdiyi həmrəylik və dəstəyə görə təşəkkürümü bildirdim.
O qeyd edib: Dost və qardaş xalqlar çətinlik və sıxıntı anlarında bir-birini daha yaxşı anlayır və bu münasibətlərin sivilizasiya kökləri nə qədər dərin olarsa, həmin bağlar bir o qədər möhkəm olur.
Sizin rəyiniz