Əhli-Beyt (əleyhimus səlam) – Beynəlxalq Xəbər Agentliyi- ABNA: İran İslam Respublikasının xarici işlər naziri Seyid Abbas Əraqçi İran və ABŞ arasında danışıqların üçüncü raundu ilə bağlı mesaj yayıb və Omanın davamlı və effektiv vasitəçiliyinə görə təşəkkür edib.
İRNA-nın yaydığı məlumata görə, İranın xarici işlər naziri “X” sosial şəbəkəsində yazıb: ABŞ ilə diplomatik qarşılıqlı fəaliyyətimizdə daha çox irəliləyiş əldə olunub.
Əraqçi əlavə edib: Bu danışıqlar raundu indiyədək ən intensiv mərhələ idi. Bu müzakirələr hər hansı razılaşma üçün əsas mövzular, o cümlədən sanksiyaların ləğvi və nüvə sahəsi ilə bağlı addımlar barədə daha detallı və dəqiq məsləhətləşmələrin davam etdirilməsi ilə bağlı qarşılıqlı anlaşma ilə başa çatdı.
İranın xarici işlər naziri əlavə edib: Siyasi proseslə paralel olaraq, texniki qruplar yaxın günlərdə Vyanada bir araya gələcəklər. Onların missiyası bizim missiyamız qədər həyati və önəmlidir.
Əraqçi sonda bildirib: Omanın davamlı və effektiv vasitəçiliyinə görə təşəkkür edirik və danışıqların növbəti raunduna ev sahibliyi etdiyinə görə İsveçrəyə minnətdarlığımızı bildiririk.
Sizin rəyiniz