Əhli-Beyt (əleyhimus səlam) – Beynəlxalq Xəbər Agentliyi- ABNA: İran İslam Respublikasının yol və şəhərsalma naziri Fərzanə Sadiq Bakıda Azərbaycan Respublikasının energetika naziri Pərviz Şahbazov ilə görüşdə Xudafərin və Qız Qalası kimi birgə layihələrin maliyyə məsələlərinin sürətlə həllinin vacibliyini vurğulayıb.
O, elektrik sahəsində əməkdaşlığın genişləndirilməsi, şəbəkələrin birləşdirilməsi və birgə neft yataqlarının işlənməsi istiqamətində işlərin davam etdirilməsinin önəmini qeyd edib.
Fərzanə Sadiq iki xalq arasında dərin tarixi, mədəni və dini bağlara toxunaraq, Tehran və Bakı arasında aparılan danışıqların qarşılıqlı maraqlara uyğun konkret nəticələr verəcəyinə ümid etdiyini bildirib.
Nazir qeyd edib: Xudafərin su anbarı ilə bağlı borcun Azərbaycan tərəfi tərəfindən ödənilməsi razılaşdırılıb və bu məsələ İran səfirinin energetika naziri ilə görüşündə də müzakirə olunaraq müsbət qarşılanıb.
Qız Qalası layihəsi ilə bağlı əvvəlki razılaşmaya əsasən, ödənişlərin 2025-ci ilin sonunadək tamamlanması nəzərdə tutulsa da, bu hələ həyata keçirilməyib. İran tərəfi Xudafərin layihəsində olduğu kimi, maliyyə hesablamalarının sənədlər əsasında aparılaraq yekun məbləğin dəqiq müəyyənləşdirilməsini təklif edir.
Ordubad–Marazad su-elektrik stansiyası layihəsi üzrə İranın Ekologiya Təşkilatının istismar icazəsi verdiyi bildirilib. Eyni zamanda, Azərbaycan tərəfinin də İran hissəsində analoji layihə üçün qarşılıqlı icazə verməsinin zəruriliyi vurğulanıb ki, icra prosesi vaxtında başlasın.
Sadiq deyib: Elektrik enerjisinin alınması məsələsinin iki ölkə prezidentlərinin görüşündə müsbət qarşılandığı qeyd olunub. İranın Energetika Nazirliyi pik mövsümlərdə Azərbaycandan 200–300 meqavat elektrik enerjisinin alınması ilə bağlı rəsmi müraciət göndərib və cavab gözlənilir.
Yol və şəhərsalma naziri əlavə edib: Prezidentlər arasında əldə olunmuş razılaşmaya uyğun olaraq, neft blokları üzrə əməkdaşlığın genişləndirilməsi istiqamətində planlaşdırma aparılmalıdır. Bu çərçivədə birgə işlənmə memorandumunun icrası üçün texniki komitənin keçirilməsi barədə razılıq əldə edilsə də, iclas təxirə salınıb.
Sizin rəyiniz