Əhli-Beyt (əleyhimus səlam) – Beynəlxalq Xəbər Agentliyi- ABNA: Afrikanln dahi mübarizi və Cənubi Afrikada aparteidə qarşı daxili müqavimətin lideri və Cənubi Afrikanın ilk prezidenti olmuş Nelson Mandelanın nəvəsi Mandela Mandela İslam milləti şəhidləri, şəhid Seyid Həsən Nəsrullah və Seyid Haşim Safiuddin-in əzəmətli dəfn mərasimində iştirak edərkən bildirib:
“Biz indicə ulu öndərimiz şəhid Seyid Həsən Nəsrullahın şəhadət yerini ziyarət etdik. Onlar (sionistlər) onu şəhid etdilər, lakin onun ideya və düşüncələri bütün dünyada azadlıq uğrunda mübarizə aparan hər bir mübarizin qəlbində və beynində əbədi qalacaq. Cənubi Afrikada dediyimiz kimi, O, ölməyib, çoxalıb. Biz bu qəhrəmanın xatirəsini və onun şücaətini ehtiramla anırıq və Hizbullah rəhbərliyinə və üzvlərinə Məscidül-Əqsanı, Qəzza xalqını və bütün Fələstin müqavimətini cəsarətlə müdafiə etdiklərinə görə təşəkkür edirik.”
Bu görkəmli Cənubi Afrika xadimi imperializm və qlobal təkəbbürlə mübarizədə, eləcə də Fələstinə dəstəkdə “Biz öz sözümüzdəyik” şüarının əhəmiyyətindən danışaraq deyib:
“Bu şüarla HƏMAS və İslami Cihad Hərəkatının başçılıq etdiyi Fələstin müqavimət qrupları, Livanda Hizbullah, Yəməndə Ənsarullah, İran İslam Respublikası və bölgədə Fələstinin mübarizəsinə dəstək verən hər kəs də daxil olmaqla, işğal olunmuş Fələstinin azad edilməsi üçün mübarizə aparan hər kəsə tam dəstəyimizi bildiririk.”
O, daha sonra vurğulayıb:
“Dünyanın cənubdakı hər kəsi, Fələstin müqavimətini dəstəkləmək üçün cəsarətli mövqe tutmağa çağırırıq. Onların hamısı heç bir qorxu keçirmədən bu yolda dönməz qalan, Qərb imperializmi üzərində qələbəyə inanan və bunu əmin hesab edən şəhid Seyid Həsən Nəsrullahın şücaətini nümunə götürməlidir.”
Mandela Mandela İslam milləti şəhidlərinin rəhbərinin dəfn mərasimində dünyanın müxtəlif qitələrindən insanların çoxlu iştirak etməsini və şəhid Seyid Həsən Nəsrullah məktəbinin bütün qəlbləri və qitələri fəth edə bildiyini xatırlayaraq deyib:
“Dünyanın hər yerində gecə-gündüz ardıcıl keçirilən mitinqlərdə, etiraz aksiyalarında, sionist rejimə qarşı boykot kampaniyalarında, Fələstin xalqına dəstək yürüşlərində iştirak edən milyonlarla azadlıqsevər insana təşəkkür edir və onlara bildiririk ki, sizin səsiniz Qəzzada, İordan çayının qərb sahilində və Beyrutda eşidilir və in şə Allah qələbə yaxındır.”
Nelson Mandelanın nəvəsi sonda çıxışını müharibənin ucbatından çətin vəziyyətə düşməsinə və düşmənin onlara qarşı tətbiq etdiyi mühasirəyə baxmayaraq, anti-imperialist tədbirləri davam etdirən Yəmən xalqı və rəhbərliyinin cəsarətli mövqeyinə hörmət və rəğbət bəsləməklə yekunlaşdırıb.
Sizin rəyiniz