Əhli Beyt (əleyhimus-səlam) - ABNA – Xəbər Agentliyinin verdiyi xəbərə əsasən, Nigeriya Şiələrinin Rəhbəri Ayətullah Şeyx İbrahim Zəkzəkinin baş katibi olduğu Nigeriya İslam Hərəkatı (İMN) anti-Şiə rejim tərəfindən qanunsuz elan olunub.
Məlumata görə, Kaduna əyalətinin Valisi Şiə Hərakatı haqqda qərəzli və qorxunc bir açıqlama verərək bildirib: “İMN-i təhlükəli və separatçı bir təşkilat kimi hərəkət etdiyi üçün, "qiyamçı və qanunsuz" elan edilir. Təşkilatın hər bir qanunsuz hərəkətinə gəldikdə isə, bunun məsuliyyətini Şeyx Zəkzəki daşıyır və bu səbəblə o mühakimə edilməlidir.”
Qeyd edək ki, ötən həftə Abuja Federal Ali Məhkəməsi, 2015-ci ilin Dekabr ayında Nigeriya prezidentinin nəzarəti ilə hərbiçilər tərəfindən Nigeriya Şiələrinə, xüsusilə də, İMN tərəfdarlarına qarşı həyata keçirtdiyi soyqırımdan sonra, ölümcül vəziyyətdə həbs olunan Şeyx Zəkzəki və həyat yoldaşının azadlığa buraxılmasına hökm vermişdir.
Məhkəmədə bildirilmişdir ki, Şeyx Zəkzəki və xanımı Zinət İbrahim qanunsuz olaraq həbsdə saxlanılıb.
Diqqət: Xəbərdən istifadə etdikdə mənbəyə istinad lazımdır
