Əhli-Beyt (əleyhimus səlam) – Beynəlxalq Xəbər Agentliyi- ABNA: İmam Hüseyn (əleyhi səlam) və Kazimiyeyn (əleyhimə səlam) iki müqəddəs hərəmlərində keçirilən Fitr bayramı namazı xütbələrində Ayətullah Sistaninin ofisi tərəfindən verilən və regional məsələlərlə bağlı ali şiə hakimiyyətinin tövsiyələrini özündə əks etdirən bəyanat oxunub.
Ayətullah Seyyid Sistaninin ofisinin yayımladığı bəyanatında o həzrətin mövqeyini bildirən mətn belədir:
Rəhman və Rəhim olan Allahın Adı ilə
Ey mömin kişilər və qadınlar, rəhmət və bağışlanma bayramı olan Fitr bayramı mübarək oruc, gecə oyaqlığı və ibadət ayının sona yetməsi ilə bizə üz gətirdi.
Bu gün İlahi mükafatlar günüdür; Allahın mələkləri qarşısında sizinlə fəxr etdiyi gün. Əməllərinizin qəbul olunması münasibətilə sizi təbrik edirəm və Allahdan bu Fitr bayramını bizə, sizə və bütün İslam xalqına xeyir, bərəkət və lütflə qərar verməsini diləyirəm.
Ey əzizlərim, Fitr bayramı sevinc və xoşbəxtlik mənaları ilə dolu olsa da, bu gün din və insanlıq qardaşlarımızın başına hansı bəlalar və faciələrin gəldiyini görəndə möminlərin qəlbləri kədərdən parçalanır. Allahın nemətlərinə görə sevinclə Ona Təkbir dedikdə, uşaqların fəryadları daha uca səslənir, kədərli anaların göz yaşları axır, İran və Livandakı təhlükəsiz evlərin üzərində od alovu guruldayır, bu iki [ölkəyə] qarşı hərbi təcavüz davam edir.
Bu qəddar müharibəni ən sərt şəkildə qınayırıq və dünyanın bütün müsəlmanlarını və azad insanlarını onu qınamağa, İran və Livanın məzlum xalqları ilə həmrəylik göstərməyə çağırırıq.
Həmçinin dünyanın bütün nüfuzlu beynəlxalq partiyalarını və ölkələrini, xüsusən də İslam ölkələrini bu müharibəni dayandırmaq üçün əllərindən gələni etməyə çağırırıq.
Ey Allahım, Sənə dua ilə müraciət edirik və Sən duaları eşidənsən.
Ey Allahım, mömin kişiləri və qadınları harada olursa olsunlar qoru, bəlanı onlardan uzaqlaşdır və sözlərini həqiqət üzərində birləşdir.
Ey Allahım, torpaqlarının müdafiəsi üçün canlarını fəda edən şəhidləri Sənə əmanət edirik, onları peyğəmbərlər və salehlərlə birlikdə ən yüksək rütbələrə qaldır.
Ey Allahım, onların ailələrinə səbir və əmin-amanlıq bəxş et, yaralılarını sağalt və əsirlərini azad et.
Ey Allahım, xalqımız harada olursa olsun, onlara dəstək ol və onları zalımlar üzərində qalib et.
Ey möminlər, iman təkcə dildə etiraf edib və qəlbdə inanc deyil, həm də saleh əməllər görüb, rəğbət və kömək göstərməkdir.
Bu çətin şəraitdə, əzabların artdığı və yaralıların və köçkünlərin ehtiyaclarının artdığı bir vaxtda, dini və insani vəzifəmiz əzab çəkən qardaşlarımıza kömək əli uzatmağımızı tələb edir...
Ali Təqlid Mərcəsi İran və Livandakı yaralı şəxslərin əzablarını yüngülləşdirmək üçün xüms, zəkat və fitrədən istifadəyə icazə verib; Bu iş, Ali Təqlid Mərcələrinin ofisləri kimi etibarlı kanallar vasitəsilə həyata keçirilməlidir və əgər kimsə ehtiyaclı birisini şəxsən tanıyırsa, birbaşa tədbir görə bilər.
Əziz dostlar, Fitr bayramı Allahla əhdi yeniləmək, bir-birlərini bağışlamaq və barışdırmaq, qohumluq əlaqələrini qorumaq və yoxsullara və ehtiyacı olanlara qayğı göstərmək üçün bir fürsətdir.
Ətrafımızda baş verənlərdən qəlbimiz kədərlənsə də, Allahın mərhəməti genişdir, Onun qələbəsi yaxındır və əgər səbirli və saleh olsanız, Onun köməyi mütləq gələcək.
Sizin rəyiniz