Əhli-Beyt (əleyhimus səlam) – Beynəlxalq Xəbər Agentliyi- ABNA: Aprelin 21-də ağır xəstəlikdən sonra vəfat edən Papa Fransiskin varisinin seçilməsi üçün iki günlük müzakirə və səsvermədən sonra Vatikandakı kardinallar nəhayət, cümə axşamı, mayın 8-i axşam vaxtlarında dünya katoliklərinin yeni liderini seçdilər və ağ tüstü havaya qalxdı, bu, Sistine Kapellasının gizli iclasında papa konklavının üzvü olan 133 kardinalın konsensusunu ifadə etdi.
Yeni Papa, Papa XIV Leo kimi tanınan kardinal Robert Fransisk Provost Müqəddəs Pyotr Bazilikasının mərkəzi eyvanında qarşılanıb. O, İllinoys ştatının Çikaqo şəhərindəndir, 69 yaşındadır və Papa Fransiskin yaxın adamı və dünya katoliklərinin Amerika əsilli ilk lideridir.
Amerikanın CNN şəbəkəsi yeni papa haqqında bunları deyib: “Təcrübəli qlobal lider, o, karyerasının çox hissəsini Cənubi Amerikada missioner kimi keçirdi və son olaraq Vatikanın yepiskopların təyin edilməsi üzrə güclü ofisinə rəhbərlik etdi. Onun Papa Fransiskin islahatlarını davam etdirəcəyi gözlənilir.”
Papa XIV Leo, on il ərzində Perunun Trujillo şəhərində işləyib və sonra 2014-cü ildən 2023-cü ilə qədər xidmət etdiyi Perunun başqa bir şəhəri olan Çiklayo yepiskopu təyin edilib.
Onun təvazökar və susqun bir şəxsiyyətə sahib olduğu və Vatikan daxilində mötədil və fərqli baxışları uzlaşdıra bilən bir insan kimi tanındığı deyilir.
Yepiskoplar üçün Dicastery-nin rəhbəri olduqdan qısa müddət sonra Vatikan Xəbərlərinə verdiyi müsahibədə Prevost deyib: “Mən hələ də özümü missioner hesab edirəm: “Mənim missiyam, hər bir məsihçi kimi, missioner olmaq və harada oluramsa olsun, İncili təbliğ etməkdir”.
Qeyd edəkki, Katolik kilsəsinin kardinalları dünən Vatikanda yeni papanın seçilməsi ilə bağlı həssas və tarixi prosesə başlayıblar. Seçki 133 səsvermə hüququna malik kardinal arasında dərin fikir ayrılıqlarına görə dünyanın katolik lideri üçün ən mürəkkəb və gözlənilməz seçkilərdən biri kimi səciyyələndirilib.
250-dən çox kardinaldan yalnız 80 yaşdan aşağı olan 133-ü səs vermək hüququna malikdir. Bu şəxslər Avropa, Asiya, Afrika, Amerika və Okeaniya bölgələrini təmsil edirlər. Səsvermə bir namizəd üçdə iki üstəgəl bir (yəni, ən azı 89 səs) toplayana qədər davam edib.
Bildirək ki, Vatikanda səsvermə prosesi son dərəcə məxfilik şəraitində keçirilir və hər səsvermədən sonra bülletenlər xüsusi sobada yandırılır. Qara tüstü fikir ayrılığı, ağ tüstü isə yeni papanın seçilməsi deməkdir; Minlərlə xristianın Müqəddəs Pyotr meydanında görmək üçün gözləyəcəyinə işarədir.
Vatikanın dövlət katibi Pietro Parolin, "Asiyalı Fransisk" ləqəbli filippinli Lui Taql, qvineyalı Robert Sara və macarıstanlı Peter Ordo Papa Fransiskdən sonra gələn görkəmli şəxslər arasında idi.
Xatırladaq ki, pnevmoniyadan sağalmaqda olan Argentinlı papa Fransisk aprelin 21-i bazar ertəsi günü səhər saat 7:35-də keçirdiyi insult, koma və geri dönməz ürək dayanması səbəbindən 88 yaşında Sint-Martadakı mənzilində vəfat edib. O, əvvəllər mikrob pnevmoniya və yüksək qan təzyiqi ilə kəskin tənəffüs çatışmazlığından əziyyət çəkirdi.
Vatikanın sakini və vətəndaşı, Papa Fransisk (Xorxe Mario Berqoglio) 17 dekabr 1936-cı ildə Argentinanın paytaxtı Buenos-Ayresdə anadan olub.
Dünya katoliklərinin lideri iki növ şəkər xəstəliyindən əziyyət çəkirdi. Vatikan bundan əvvəl fevralın 22-də oksigendən istifadəni tələb edən uzunmüddətli tənəffüs böhranını əsas gətirərək Papanın fiziki vəziyyətinin ağır olduğunu bildirmişdi.
Roma arxiyepiskopu və katolik kilsəsinin rəhbəri Papa Fransisk bu vəzifəyə 2013-cü ildə, Papa XVI Benediktin istefasından sonra gəlmişdir.
Sizin rəyiniz