Əhli-Beyt (əleyhimus səlam) – Beynəlxalq Xəbər Agentliyi- ABNA: İran İslam Respublikasının Prezidenti, Zati Aliləri Məsud Pezzəkyan Yəmənin Əl-Məsirə xəbər şəbəkəsinə verdiyi müsahibədə deyib: Yəmənin əziz, güclü, dözümlü və səbirli xalqını Fitr bayramı münasibətilə təbrik edirəm.
Doktor Pezeşkiyan əlavə edib: Yəmən xalqına deyirik ki, biz bütün qəlbimiz və niyyətimizlə sizinləyik və sizə qələbə arzulayırıq.
Bundan əvvəl İranın xarici işlər naziri Abbas Əraqçi Əl-Məsirə Xəbər Şəbəkəsinə verdiyi müsahibədə bütün dünya müsəlmanlarını, xüsusilə də Yəmən xalqını Fitr bayramı münasibətilə təbrik edib və demişdir: Qəhrəman yəmənlilər öz məqsədlərini şiddətlə və şücaətlə müdafiə edirlər və bu amerikalılardır ki, Yəmənə hücum ediblər; Çünki onlar Sənanın qalib gəldiyini və müqavimət göstərdiyini gördülər.
Cənab Əraqçi vurğulayıb: Yəmənin işğalı uğursuzluğa düçar olacaq. 10 ildir ki, onlar Yəmən xalqının iradəsini məğlub etməyə çalışırlar. Ancaq uğursuz oldular. Danılmaz həqiqət budur ki, Yəmən millətini hücum və təcavüzlə məğlub etmək mümkün deyil.
İran prezidentinin Yəmən xalqına mesajı ABŞ-ın son günlər Yəməndə Ənsar Allah hərəkatının nəzarəti altında olan bölgələrə hücumlarını misli görünməmiş şəkildə artırdığı, nəticədə çoxlu sayda yəmənlinin şəhid olması və yaralanması, infrastrukturun dağılması ilə nəticələndiyi bir vaxta təsadüf edir.
Sizin rəyiniz