Əhli-Beyt (əleyhimus səlam) – Beynəlxalq Xəbər Agentliyi- ABNA:
1. Həzrət İbrahim peyğəmbərin (əleyhis-salam) qonaqları
Mələklər həzrət İbrahim peyğəmbərin (əleyhis-salam) yanına qonaq gələrək oğlu İshaqın (əleyhis-salam) dünyaya gəlməsi ilə müjdələdilər. (Əz-Zariyat: 24-30)
2. Lut peyğəmbərin (əleyhis-salam) qövmünün fitnə-fəsadlarına görə məhv edilməsi
Mələklər Lut peyğəmbərə (əleyhis-salam) xəbər verdilər ki, qövmün etdikləri fitnə-(homoseksuallıq) və günah üzündən məhv olacaq. (Əz-Zariyat: 31-37)
3. Fironun, Ad qövmünün, Səmud qövmünün və Nuh qövmünün məhvi
Üsyankar xalqlar öz peyğəmbərlərini inkar etdiklərinə və Allahın əmrinə asi olduqlarına görə İlahi əzaba düçar oldular. (Əz-Zariyat: 41-46)
4. Nuh peyğəmbərin (əleyhis-salam) qövmünün əzabı
Həzrət Nuh peyğəmbər (əleyhis-salam) öz Rəbbi olan Allahdan kömək istədi, Allah Təala yerdən və göydən böyük bir tufan göndərdi və İlahi təqdirə əsasən Nuh peyğəmbərin (əleyhis-salam) qövmü məhv oldu. (əl-Qəmər, 9-16)
5. Ad qövmünün əzabı
Ad qövmü, peyğəmbərlərini inkar etdiklərinə görə, nəhs bir gündə güclü, qızmar küləklə məhv edildi. (əl-Qəmər, 18-20)
6. Səmud qövmünün əzabı
Səmud qövmü öz peyğəmbərini inkar etdikləri üçün səmavi bir səslə məhv edildi. (əl-Qəmər, 23-31)
7. Lut peyğəmbərin (əleyhis-salam) qövmünün necə məhv edilməsi
Həzrəti Lut peyğəmbərin (əleyhis-salam) qövmü onu inkar etdikləri üçün sübh çağı daş tufanı ilə məhv oldular. (əl-Qəmər, 33-39)
Sizin rəyiniz