Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən,İranın Ali Dini Lideri Ayətullah Seyid Əli Xamenei bu gün İranın şəhid ailələri ilə görüşüb.
O, söhbətinin əvvəlində mübarək Ramazan ayından maksimum istifadə etməyi tövsiyə edib.Daha sonra şəhidlərin əzəmətindən söhbət açan Ayətullah Xamenei inqilabda xüsusi rolu olan şəhid Behişti barədə də danışıb.
Təqlid mərcəsi düşmənin bölgədə yürütdüyü siyasət barədə belə deyib: “İslam düşmənləri bu gün millət və xalqlar arasında müharibə alovunu yaratmaq üçün pullar xərcləyirlər. İraqda Səddam rejiminin artıqları bu gün cahil və mənəviyyatdan uzaq olan insanlarla birləşərək cinayətlərə əl atırlar və bunun adını şiə-sünni mübarizəsi qoyurlar. Halbuki bu arzudan başqa bir şey deyil və İraqda gedən mübarizə terrorizmi dəstəkləyən və buna qarşı çıxanın, eyni zamanda insaniyyətlə vəhşiliyin mübarizəsidir. Düşmən İraqda baş verənləri digər ölkələrdə də icad etmək istəyir. Millətlər ayıq olmalı və müsəlmanların izzət və müstəqilliyinin aradan getməsinə icazə verməməlidirlər. Şükr olsun ki, İran xalqı vəhdət, ayıqlıq və bəsirəti ilə düşmənə qalib gəlib və bundan sonra da qələbə çalacaq.”
islamazeri.az
Diqqət: Xəbərdən istifadə etdikdə mənbəyə istinad lazımdır
