Əhli-Beyt (əleyhimus səlam) – Beynəlxalq Xəbər Agentliyi- ABNA: HƏMAS Siyasi Bürosunun üzvü və Qüds məsələləri üzrə idarəsinin rəhbəri Harun Nasirəddin bəyanatında İsrail rejiminin Qələndiya qaçqın düşərgəsinə hücumlarını ikinci gündür davam etdirdiyinə diqqət çəkərək vurğulayıb ki, bu təcavüzlər fələstinlilərin torpaqlarını və müqəddəslərini qorumaq iradəsini heç vaxt zəiflədə bilməyəcək.
O bildirib: İşğal olunmuş Qüds və İordan çayının qərb sahilinin digər bölgələrinin üzləşdiyi vəziyyət – o cümlədən genişmiqyaslı həbslər, evlərin dağıdılması, yaşayış evlərinin hərbi bazalara çevrilməsi və qeyri-qanuni məskunlaşanların təşkilatlanmış hücumları – İsrail rejiminin torpaqları ilhaq etmək və bu bölgələrin yəhudiləşdirilməsi məqsədilə yeni reallıq yaratmaq planlarının bir hissəsidir.
HƏMAS rəsmisi vurğulayıb ki, İsrail rejimi və qeyri-qanuni məskunlaşanların cinayətlərinin güclənməsi yalnız fələstinlilərin müqavimətinin artmasına, mübarizənin davam etməsinə və Qüdsün, eləcə də Əl-Əqsa məscidinin müdafiəsi mövqeyində israr etmələrinə səbəb olacaq.
O, Fələstin xalqını işğalçıların təcavüzləri qarşısında daha böyük həmrəylik göstərməyə, müqavimət göstərməyə və Qüds sakinlərini dəstəkləməyə çağırıb.
Sizin rəyiniz