Əhli-Beyt (əleyhimus səlam) – Beynəlxalq Xəbər Agentliyi- ABNA: Prezident düşmənlərin son təcavüzkar strategiyalarının uğursuzluğa düçar olduğunu vurğulayaraq bildirib: Ölkənin sürətlə çökəcəyi barədə onların hesablamaları son qırx gündə İran xalqının müqaviməti və dayanışı ilə puça çıxıb. Onun sözlərinə görə, infrastrukturun hədəfə alınacağına dair hədələr isə hər şeydən çox onların acizliyini və öz iradələrini qəbul etdirməyə qadir olmadıqlarını göstərir.
Məsud Pezeşkian Yol və Şəhərsalma Nazirliyinə həyata keçirdiyi nəzarət səfəri zamanı nazir və nazir müavinləri ilə görüşdə bu qurumun davamlı və fədakar səylərinə görə təşəkkür edib, xüsusilə son həssas günlərdə limanlar, tranzit dəhlizləri və həyati infrastruktur kimi strateji sahələrdə göstərilən fəaliyyəti yüksək qiymətləndirib.
Prezident bəzi insan haqları iddiasında olan qurumların və əlaqəli media orqanlarının ikili yanaşmalarını tənqid edərək bildirib: ABŞ və İsrail rejimi tərəfindən mülki obyektlərə, məktəblərə, tibb mərkəzlərinə və humanitar təşkilatlara edilən hücumlara qarşı bu qurumların susqunluğu, İranın daxili məsələlərinə dair isə qərəzli mövqe tutmaları onların ikili standartlarının açıq nümunəsidir.
Pezeşkian bəzi xaricdə fəaliyyət göstərən farsdilli media qurumlarının davranışlarına da toxunaraq deyib ki, bu media orqanlarının son hadisələrdəki fəaliyyəti onların həqiqi mahiyyətinin göstəricisidir. Onlar həssas məqamlarda faktlardan uzaqlaşmaqla yanaşı, bəzi hallarda zorakılığı əsaslandırmağa və İran xalqına qarşı təhrikə yol veriblər.
Prezident düşmən strategiyalarının uğursuzluğa düçar olduğunu yenidən vurğulayaraq bildirib: Ölkənin tez bir zamanda çökməsi ilə bağlı hesablamalar İran xalqının müqaviməti nəticəsində alt-üst olub və infrastrukturun hədəfə alınacağı barədə hədələr onların acizliyinin bariz göstəricisidir.
Sizin rəyiniz