Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Fələstin torpaqlarını işğal etmiş qəsibkar israil rejiminin Qəzzə Zolağına sonuncu hücumunda iki ayaqlarını itirmiş, 15 yaşlı fələstinli qız uşağı böyük ruh yüksəkliyi ilə məktəbə gedir və təhsilinə davam etməklə Qəzzə Zolağında Müqavimətin yaşadığını bir daha bütün dünyaya sübut edir.
Bu qız uşağının adı Minar əl Şinbaridir. O, ailəsini Beyt Hanun qəsəbəsində itirib. Hazırda təkcə bacısı və qardaşı ilə, Qəzzənin şimalındakı Cəbaliya qaçqınlar düşərgəsində yaşayır.
Minar anası və üç qardaşını işğalçı sionist rejiminin Qəzzə Zolağına 50 günlük etdiyi vəhşicəsinə hücumu zamanı itirib.
Qeyd edək ki, Qəzzə Zolağında təhsil alan orta məktəb şagirdlərinin əksəriyyəti sionistlərin 50 günlük müharibəsində öz valideynlərini, yaxınlarını itirmiş və şagirdlərin bir çoxu isə bu müsavi olmayan müharibədə ya Şəhid olmuş ya da Minar kimi veteran olublar.
Xatırladaq ki, cühüd birləşmələrinin Qəzzə Zolağına sonuncu hücumunda 570 nəfəri körpə uşaq olmaqla 2140 nəfərdən artıq Müsəlman həyatın itirmiş, azı 11 min nəfər Fələstinli isə, müxtəlif dərəcəli bədən xəsarətləri alaraq yaralanmışdır.
Qəzzə Zolağının sakinləri 2008-ci ildən bu tərəfə 3 dəfə vəhşi yəhudi hucumlarına məruz qalıb. Bütün bu döyüşlərdə Qəzzə xalqının ağır itkilər verməsinə baxmayaraq, tərəflər arasında sülh müqaviləsi bağlanan kimi həyat yenidən Qəzzə qayıtmış və xalq gələcəyə bəslədikləri böyük ümüd ilə, adi həyat tərzinə sıfırdan başlamışlar.
Diqqət: Xəbərdən istifadə etdikdə mənbəyə istinad lazımdır
