Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Türkiyədə fəaliyyət göstərən “21-ci Əsr Elmi-Tədqiqat İnistutu”nun sədri Ümit Uzdağ bildirib: “Təkfirçi qruplaşmalara qoşulan silahlıların bəzisi tək bəziləri isə ailə üzvləri ilə birlikdə Suriyaya bu ölkə rəhbərliyi ilə döyüşməyə gediblər”.
“21-ci Əsr Elmi-Tədqiqat İnistutu”nun aktivisti, sabiq hərbiçi İsmail Haqqı Bekin apardığı araşdırmalar nəticəsində belə bir qənaətə gəldiyini deyir: “Türkiyə radikal silahlı ünsürlərin əsas bazasına çevrilib”.
Tədqiqatçı daha sonra sözlərinə əlavə edib: “Türkiyə minlərlə silahlı ünsürlərin Suriya torpaqlarına keçən tranzit ölkədir. Bununla yanaşı hakim partiya (AKP) Suriyada terror aktları törədən “İŞİD” və s. silahlı qruplaşmalara birbaşa hərbi və loqistik yardımlar edir”.
Xatırladaq ki, Türkiyə parlamentinin üzvü Etila Kart bir müddət öncə çıxışı zamanı bildirmişdir: “Türkiyəni Konya şəhərindən 3 min vətəndaş İŞİD-ə qoşulub. Bu elə bir halda baş verir ki, Türkiyə dövlətinin bu işdən xəbəri vardır və buna göz yumur”.
Diqqət: Xəbərdən istifadə etdikdə mənbəyə istinad lazımdır
