Əhli-Beyt (əleyhimus səlam) – Beynəlxalq Xəbər Agentliyi- ABNA: Bugünkü xaoslu dünyamızda, narahatlığın qəlblərdə dəvətsiz qonaq olduğu bir vaxtda, Aləmlərə Rəhmət Olan Peyğəmbərin (səlləllahu əleyhi və alih) həyatı bizə bir aramlıq xəzinəsini təqdim edir. O, Həzrət (səlləllahu əleyhi və alih) Dua və zikr vasitəsilə mənəvi fırtınalara qarşı təhlükəsiz bir sığınacaq qurdu.
Allahı zikr etmək; Quranın təsdiqlədiyi bir təsəllidir
Həzrət Peyğəmbər (s) ən dərin stress və gərginlik anlarında Allahı zikr etməyə bel bağlayardı. Qurani-Kərim bu prinsipi gözəl şəkildə təsdiqləyir:
«الَّذِینَ آمَنُوا وَتَطْمَئِنُّ قُلُوبُهُم بِذِکْرِ اللَّهِ ۗ أَلَا بِذِکْرِ اللَّهِ تَطْمَئِنُّ الْقُلُوبُ»[۱]؛
“O kəslər ki, Allaha iman gətirmiş və qəlbləri Allahı zikr etməklə aram tapmışdır. Bilin ki, qəlblər yalnız Allahı zikr etməklə aram tapar!”
Həzrəti Rəsulullahın (səlləllahu əleyhi və alih) «لَا حَوْلَ وَلَا قُوَّهَ إِلَّا بِاللَّهِ» "Allahdan başqa heç bir güc və qüdrət yoxdur"[2] kəlamına vurğu etməsi çarəsizlik hissindən qaynaqlanan narahatlığı müalicə edir və onu Allahın sonsuz qüdrəti ilə əvəz edir.
Dua; Mərhəmətlilərin Ən Şəfqətlisi ilə Şəfalı Söhbət
Həzrəti Allah Rəsulunun (səlləllahu əleyhi və alih) praktik həyatında dua sadəcə bir ibadət deyil, gündəlik narahatlıqların idarə olunması üçün təsirli bir vasitə idi. O həzrət belə buyurmuşdur: «الدُّعَاءُ سِلَاحُ الْمُؤْمِنِ» "Dua möminin silahıdır"[3].
Onun narahatlığın ağır yükündən qurtulmaq üçün etdiyi dualar arasında bunlar da var idi: “«اللَّهُمَّ إِنِّی أَعُوذُ بِکَ مِنَ الْهَمِّ وَالْحَزَنِ...» Ey Allahım, kədər və narahatlıqlardan Sənə sığınıram[4].”
Bu səmimi dua, şəxsin psixoloji yükünü hər hansı bir problemi həll etməyə Qadir Olan Mehriban Öhdəsinə qoyur.
Hüccətül-islam vəl-müslimin Məhəmməd Hüseyn Əmin/ Dini yazıçı və tədqiqatçı
[1] Rəd surəsi, ayə 28
[2] Əl-Kafi, 2-ci cild, səh 553
[3] Biharul-ənvar, cild 93, səh.295
[4] Səhih əl-Buxari, 7-ci cild, Kitab əd-Dəvat, 3-cü hədis
Sizin rəyiniz