Suriya Milli Ordusundakı mənbələrdən birinin verdiyi məlumatda bildirilir: “Suriya Milli Ordusu ilə üzbəüz döyüşməkdən ehtiyat edən azğın yaraqlı ünsürlər, terror aktlarını həyata keçirtmək məqsədi ilə yeraltı tünellər qazmağa məşğuldurlar. Lakin qeyd etməliyik ki, Ordu Bölmələri terrorçuları yerin altında da təqib etməyə davam edir və kəşf etdiyi bütün tünelləri yaraqlıların başı üzərində dağıdaraq onlara ağır itkilər verməyə məcbur edir.”
Leyrmun, Sənaye Şəhəri, Heriytan, Mərkəz Həbsxana yaxınları, Qveyres ətrafı, əl Raşidin 4, Xan Toman, Humeyma, əl Ətarib, Andan, Köhnə Hələb şəhəri, Kəfər Hamra, Dahrat Əbdrabboh, əl Firdovsi, Həddadin, Vadihi və Muarrat əl Artik bölgələrində olan bir çox terror yuvalarının yox edildiyinə toxunan qaynaq, qeyd olunan məntəqələrdə meydana gələn qarşıdurmalarda da onlarla terroristin ölü və yaralı olaraq ələ keçirildiyini əlavə edib.
Tutulan terroristlərin üzərində çox əhəmiyyət kəsb edən sənədlərin olduğunu və onların hammısının salim sürətdə ələ keçirildiyini bildirən qaynaq deyib: “Yaxaladığımız terrorçular sırasında ən amansızı, güclü partlayıcı qurğuların hazırlanmasında günahlandırılan Məhəmməd əl Qasım adlı təkfirçidir.
İki gün öncə isə, aldığımız məlumatda, Hələb rayonunda Suriya Milli Ordusu ilə Azərbaycan və Şimali Qafqaz məntəqəsinin azğın təkfirçi terrorçularından ibarət təşkil olunmuş “Mühacirlər Ordusu” ilə Suriya Milli Ordusu arasında gedən döyüşlərdə azğın “Mühacirlər Ordusu”nun komandiri Məhənd Çeçenli ilə yanaşı Azərbaycan və Şimali Qafqazdan olan onlarla yaraqlı öldürlmüş və ya yaralanmışlar.
