Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Nəhreyn Net xəbər saytının məlumatına görə ötən gecə (17 dekabr) Kərbəlada 3 güclü partlayış törədilib. Həzrət İmam Hüseyn (ə) zəvvarları Ləbbeyk ya Hüseyn nidasını ucaldarkən 3 güclü partlayış səsi eşidilib. Deyilənlərə görə terrorçu vəhhabi qruplaşmalarının üzvləri Grad növlü 3 ədəd raketlə Kərbəladakı hüseynçi zəvvarları hədəfə alıblar.
Əl-Ənvər telekanalı sözü gedən hadisəyə işarə edərək qeyd edib: Terrorçular tərəfindən atılan bu raket "Məntiq Əl-vaeli", "Bab Bağdad" və "Qəntərət İslam"-a dəyib.
Kərbəlada polis əməliyyat qərargahının məsul rəsmilərindən olan palkovnik Mazən də deyib: aparılan araşdırmalara görə terrorçular Fəllucənin yaxınlığında olan Amiriyyə məntəqəsindən Kərbəlanı hədəfə alıblar.
Daxil olan məlumata əsasən İraqda terrorçular tərəfindən törədilən bu əməliyyatda bir iranlı şəhid olub daha 13 nəfər yaralanıb.
