Əhli-Beyt (əleyhimus səlam) – Beynəlxalq Xəbər Agentliyi- ABNA: İran İslam Respublikasının və Oman Sultanlığının xarici işlər nazirləri növbəti nüvə danışıqlarının keçirilməsi ilə bağlı təşkilati məsələlər ətrafında məsləhətləşmələr aparıblar.
İRNA-nın bazar ertəsi gecə yaydığı məlumata görə, İranın xarici işlər naziri Seyid Abbas Əraqçi Oman XİN rəhbəri Bədr bin Həməd əl-Busaidi ilə telefon danışığı zamanı İran–ABŞ arasında aparılan dolayı danışıqların son vəziyyətini müzakirə edib.
Tərəflər söhbət zamanı nüvə danışıqlarının növbəti mərhələsinin keçirilməsi ilə bağlı prosedur və təşkilati məsələləri nəzərdən keçiriblər.
Bundan bir qədər əvvəl Oman xarici işlər naziri danışıqlara dəstəyini ifadə edərək İran və ABŞ arasında növbəti raundun gələn cümə axşamı İsveçrənin Cenevrə şəhərində keçiriləcəyini təsdiqləyib.
Bədr əl-Busaidi bildirib: Məmnunluqla təsdiq edirəm ki, ABŞ və İran arasında danışıqlar gələn cümə axşamı Cenevrədə baş tutacaq.
Sizin rəyiniz