Əhli-Beyt (əleyhimus səlam) – Beynəlxalq Xəbər Agentliyi- ABNA: Ağ Evin sözçüsü, ABŞ miqrasiya idarəsi əməkdaşları tərəfindən Minneapolisdə iki etirazçının öldürülməsindən sonra, Prezident Donald Trampın miqrasiya məmurlarının hərəkətlərini dəstəkləməsinə baxmayaraq iddia edib: «Ağ Evdə heç kim, o cümlədən Prezident Tramp, insanların ABŞ küçələrində xəsarət almasını və ya öldürülməsini istəmir. Bura Rene Qud, Aleks Preti və federal hüquq-mühafizə orqanlarının cəsur kişi və qadınları da daxildir.»
Tramp administrasiyasının sözçüsü Karolin Livitt (Karoline Leavitt), bu iki etirazçının ölümündə Demokratları Tramp hökumətinin sərt miqrasiya siyasətinə qarşı çıxdıqları üçün günahlandıraraq əlavə edib: «Bu faciə (ölümlər), Minnesota ştatındakı Demokrat Partiyası liderlərinin şüurlu və düşmənçilik xarakterli müqaviməti səbəbindən baş verib. Federal hüquq-mühafizə orqanlarının işinə mane olmaq və məmurlara qarşı zorakılığa təhrik etmək yanlış və qeyri-qanunidir. Bu, əvvəllər ABŞ-da hər kəs tərəfindən qəbul edilən bir mövqe idi.»
Sizin rəyiniz