Əhli-Beyt (əleyhimus səlam) – Beynəlxalq Xəbər Agentliyi- ABNA: 1 saylı Bakı İstintaq Təcridxanasında anti-Şiə əliyevlər sülalə rejiminin əsirliyində saxlanılan inanclı Tərlan Səyadov aclıq aksiyasına başlayıb. Bu barədə o, ailəsi ilə telefon əlaqəsi saxlayaraq məlumat verib. Səyadovun aclığa başlamasına səbəb 1 aprel, 14 saylı polis bölməsinin işçilərinin zor tətbiq edərək inanclı xanım Xəyalə Qurbanovanı polis idarəsinə aparması və qanunsuz olaraq ondan izahat alması olub.
Xəyalə xanımın bildirdiyinə görə idarədə ona xəbərdarlıq olunub ki, Maştağa ərazisində olan digər məhbusların da xanımları bura gətiriləcək. Bu sırada Tərlan Sayadovun da həyat yoldaşının adı hallandırılıb.
Bu səhər evinə telefon zəngi açan Tərlan məsələni həyat yoldaşından öyrəndikdən sonra yazılı formada quru aclığa başlayaraq 14-cü polis bölməsinin addımlarına etiraz etdiyini bəyan edib.
Məsələdən təcridxana rəhbəri Elnur İsmayılov da xəbərdar olub və Tərlan Səyadovu qəbul edib. Eyni halda o, bu barədə Daxili İşlər Nazirliyinə də məlumat verib. DİN-nin bir neçə rəsmi şəxsi şikayətlə bağlı təcridxanada olub və Tərlan Səyadovla görüşüblər. Onlar məsələnin araşdırılacağını bildirərək Səyadovdan aclığı dayandırmağı istəyiblər.
Tərlan Sayadov isə bütün istəkləri rədd edərək işin hüquqi müstəvidə həll olunacağı günə qədər ölüm aclığını davam etdirəcəyini bildirib.
Xatırladaq ki, ötən gün 14-cü polis bölməsinin bir qrup işçisi siyasi məhbus Samir Babayevin baldızı Xəyalə Qurbanovanı yoldan israrla maşına mindirərək polis bölməsinə gətirib və bacısı Günel Babayeva da başda olmaqla məhbus ailələrinin sosial media üzərindən paylaşımlarına görə onları hədələyib. Qeyd edilən xanımların içində Tərlan Səyadovun da xanımının adı yer alıb.
Ailəsi Tərlan Səyadovun ağır mədə xəstəliklərindən əziyyət çəkdiyini və bu aclığın onu ölümə aparacağını bildirərək məsələdən narahatlıqlarını ifadə edib. Hətta Tərlan Sayadovdan aclığı dayandırmağı xahiş etsələr də Tərlan mövcud addımın namusa uzanan xəyanət əli olduğunu bildirərək ailəsinin istəyini rədd edib.
Sizin rəyiniz