Əhli Beyt -ABNA- xəbər agentliyinin verdiyi xəbərə əsasən: Ayətullah Əli Hüseyni Xameneyi Həcc ziyarətində olan hacılara mesaj yolladı.
Mesajın mətnini saytımızın ziyarətçilərinə təqdim edirik.
Bismillahir Rahmənir Rahim
Həmd aləmlərin Rəbbinə aiddir. Allahın salavatı və salamı varlıqların əfəndisi Məhəmməd Mustafaya, onun pak Əhl-i Beytinə və seçmə səhabələrinə olsun.
Həcc baharı ilahi ehtişam, mənəvi gözəllik və səfasıyla çatmışdır. Möminlərin iştiyaklı könülləri tövhid və vəhdət Kəbəsinin ətrafına dönməkdə; Məkkə, Mina, Müzdəlifə və Ərafat "İnsanların arasında Həcci elan et ..." nidasına razılıq edərək Qafur və Kərim olan Allahın qonaqlığı ilə şərəflənən xoşbəxt insanların bir araya gəldikləri menziller və ilahi ayələrin nurunun yayıldığı və hər kəsə təhlükəsizlik şəmsiyəsinin çəkildiyi hidayət mərkəzi mübarək evlər vəziyyətinə gəlmişlər.
Qəlbinizi zikr, huşunu səfa və zəmzəminde yuyun. Daxili gözünüzü Haqq Təalanın açıq-aşkar əlamətlərini görmək üçün açın, gerçək qulluğun nişanəsi olan ixlas və təslimə yönəlin. Təslimiyyət ilə İsmailini qurbanlığa aparan o böyük atanın xatirəsini dəfələrlə ürəyinizdə canlandırın və bu yolla Uca Allahın, öz məhəbbətini qazanmaq üçün önünüzə açdığı yolu addimlayın və bu yolda addım atmağı imana söykənən əzm və niyyətə çevirin.
İbrahimin məqamı o açıq-aşkar nişanələrin biridir. İbrahimin məqamı bir tərəfdən ixlas və fədakarlıq məqamı, digər tərəfdən eqoist istəklərə və dövrün Nəmrudune qarşı çıxış məqamıdır.
Bu iki ünsür biz İslam ümmətinin qurtuluş yoludur. Bizdən hər birimizin İslam yolunda şücaət, əzm və dayanıqlılığı, Hz. Adəmdən Xatəmə qədər ilahi mesajların daşıyıcılarının bəşəriyyətə təqdim etdikləri və təqibçilərinə dünya və axirət xoşbəxtliyini vəd etdikləri çağırışlarına razılıq və onlara tabe olmaq sayılar.
Bu böyük həcc konfransında hacı namizədlərin İslam dünyasının ən əhəmiyyətli mövzu və problemlriylə maraqlanmaları lazımdır. İndiki vaxtda bu məsələlərin başında bəzi əhəmiyyətli İslam ölkələrində cərəyan edən İslami qiyam və inqilablar gəlir. Keçən ilin həcc mərasimləri əsnasında və bu il İslam ümmətinin təqdirini dəyişdirə biləcək, maddi və mənəvi irəliləmə, izzətə söykənən aydın bir gələcəyi müjdələyən inkişaflar və hadisələr baş verdi. Misirdə, Tunisdə və Liviyada diktatorların və asılı tağutların müstəqilliyinə son verilmiş və digər bəzi ölkələrdə də xalqın qıyamı zalımların saraylarını yıxılmaq vəziyyətinə gətirmişdir.
Ümmətimizin tarixində açılan bu yeni fəslin, ortaya çıxardığı həqiqətlər bizə həyat bəxş edən dərslərdir. Bu gerçəklər, müsəlman millətlərin bütün vəziyyətlərində nəzərə alınmalıdır. Bunları belə sıralaya-bilərik:
Birincisi, indiki vaxtda on illər boyunca əcnəbilərin siyasi təsiri altında yaşamış xalqların içindən təhlükə meydanına atılan, var olan vəziyyəti dəyişdirməyə çalışan yeni bir gənc nəsil ortaya çıxmışdır.
İkincisi, hüquqi, idarəçilərin səy və əməllərinə baxmayaraq və onların bu ölkələrdəki dinə qarşı açıq və gizli səylərinə baxmayaraq İslam möhtəşəm və açıq-aşkar bir güclə səhnədədir, könüllərin hidayətçisi olaraq söz və əməldə milyonluq kütlələrin yığıncaqlarına canlılıq və həyat verən bir bulaq vəziyyətindədir. Sloqanlar, təkbirlər və İslami şüarlar bunu ifadə edən həqiqətlərdir. Tunisdə reallaşan son seçkilər də bu iddianı sübut edən qəti bir dəlildir. Heç şübhəsiz digər ölkələrdə də azad seçkilər reallaşacaq olsa Tunisdə reallaşan nəticədən fərqli bir nəticə ortaya çıxmaz.
Üçüncüsü, bu ildəki hadisələr hər kəsə göstərdi ki Əziz və Qadir Allah millətlərin iradəsində elə bir güc vermişdir ki heç bir güc ona qarşı qoyacaq bir gücə sahib deyil.
Dördüncüsü, müstəmləkəçi dövlətlər və onların başında Amerika, illər ərzində müxtəlif siyası və təhlükəsizlik oyunlarına müraciət edərək bölgə ölkələrini öz əmrlərinə boyun əydirmiş, öz zənlərincə iqtisadi, mədəni və siyasi üçün maneəsiz bir mühit meydana gətirmişlər. İndi bu dövlətlər millətlərin nifrətlərinin hədəfi vəziyyətindədirlər. Qətiliklə bilməmiz glazımdır ki, bu inkqilablardan meydana gələn nizamlar əsla əvvəlki zillət dolu tənliklərə boyun əyməyəcəktir. Bu bölgənin siyasi coğrafiyası millətlərin əli ilə və onların izzəti və tam bir müstəqilliyi istiqamətində meydana gələcəkdir.
Beşincisi, Qərbin münafiq və aldadıcı quruluşu, bu ölkələrin xalqları nəzdində artıq yaxşıca dərk olunmaqdadır. Misirdə, Tunisdə və Liviyada, Amerika və Avropa əllərindən gəldiyi qədər öz masalarını qorumaq üçün çalışmışlar. Ancaq millətlərin iradəsi onların istəklərinə üstün gəldiyində xalqın üzünə aldadıcı gülüşlər təqdim etməyə başladılar.
Son bir ildə reallaşan hadisələrdə meydana gələn ilahi açıq əlamətlər bu saydığlarımızdan daha çoxdur. Təfəkkür əhli üçün bu əlamətləri görmək çətin deyil.
Ancaq bütün bunlara baxmayaraq bu gün İslam ümməti və xüsusilə qiyam edən millətlər iki əsas unsura möhtacdırlar.
1 - Müqaviməti davam etdirmək və əzmi qorumaq.
Uca Allahın Quranda Peyğəmbərinə əmri belədir: "Artıq sən və səninlə birlikdə olan və tövbə etmiş olanlarla birlikdə, necə əmr edildisə eləcə dosdoğru hərəkət et." (Hud: 112)
Yenə Hz. Musanın dilindən belə deyir:
"Musa öz tayfasına," Allahdan kömək diləyin və səbr edin. Şübhəsiz yer üzü Allahındır; onu bəndələrindən istədiyinə miras buraxar və (gözəl) son təqvalı-larındı. "Dedi." (Əraf: 128)
Qiyam etmiş millətlər üçün bu dövrdə təqvanın konkret nümunəsi öz mübarək hərəkətlərini sürdürmələridir. Onlara yaxşı nəticə vəd edilən təqvalıların daşımaları lazım olan ən əhəmiyyətli təqva ünsürü də bundan ibarətdir.
2 - Beynəlxalq hiylələrə və bu hərəkətlərdən zərbə alan güclərə qarşı oyanıqlıq:
Düşmənlər boş turmazlar, bütün siyasi, təhlükəsizlik və maliyyə gücləriylə bu ölkələrdə əldən çıxan güc və nüfuzlarını yenidən əldə etmək üçün çalışırlar. Onların əllərindəki səbəb aldatma və təhdiddən ibarətdir. Təcrübə göstərmişdir ki, elita seqment arasında onlara vasitə və vəsilə olacaq kəslər olurlar, bunlarda olan qorxu, ehtiras və qəflət bilərək və ya bilməyərək düşmənə xidmət etmələrinə gətirib çıxarar. Gənclər, din alimləri və ziyalılar bu cür sapmaları diqqətlə gözləməlidirlər.
Ən əhəmiyyətli təhlükə bu ölkələrin yeni siyasi strukturlarında küfr və istikbar cəbhəsinin müdaxilə etməsi və təsirli olmasıdır. Onlar bütün səyləriylə yeni qurulan nizamların İslami və populyar bir quruluşa sahib olmaması üçün çalışacaqlar. Bu ölkələrdəki səmimi kəslər və ölkələrinin izzət, şərəf və irəliləməsinə əhəmiyyət verən hər kəs yeni qurulacaq nizamların tam mənada İslami və populyar bir məzmuna sahib olması yolunda səy göstərmək vəziyyətindədirlər. Bu vaxt hazırlanacaq konstitusiyaların əhəmiyyətli bir mövqesi vardır. Milli birliliyi qorumanın yanında, məzhəbi, qəbiləvi və dil fərqliliklərini rəsmi tanımaq gələcəkdəki zəfərlərin şərtidir.
Misirdə, Tunisdə və Liviyada qiyam edən şücaətli xalq, digər oyanıq və mübarizəçi millətlər bilməlidirlər ki, onların Amerikanın və digər müstəkbir zülm və oyunlarından xilas olmaları dünyadakı güc tarazlığının onların xeyrinə dəyişməsinə bağlıdır. Müsəlmanlar, problemlərini ciddi bir mənada imperialistlərə baxmayaraq çözəbilmələri üçün özlərini dünyadakı bir güc olacaq səviyyəyə çatdırmalıdırlar. Bu da yalnız İslam ölkələrinin könül birliyi və əməkdaşlığı ilə mümkün ola bilər. Bu İmam Xomeyninin unudulmaz vəsiyyətidir. Amerika və NATO xəbis və diktator Qaddafini bəhanə edərək aylarla Liviya xalqının başına atəş yağdırdılar. Qəddafi Liviya millətinin şücaətli qiyamından əvvəl, onların yaxın dostlarından sayılır onu bağırlarına basır və onun vasitəsi ilə Liviyanın sərvətini dağıdırdılar. Onu aldatmaq üçün əlini sıxır və ya öpüdülər.
Xalqın qiyamından sonra onu bəhanə edərək Liviyanın bütün infrastrukturunu məhv etdilər. Hansı ölkə xalqın Nato tərəfindən qətl edilməsinə və Liviyanın pozuntusuna mane ola bilərdi? Qan içən və vəhşi Qərb güclərin diş və pəncələri qırılmadıqça, İslam ölkələri üçün bu cür təhlükələr söz mövzusu olacaq. Bundan qurtuluş ancaq İslam dünyasının güc bloku yaradmasından sonra mümkün olar.
Bu gün Qərb, Amerika və Sionizm hər zamankindən daha çox zəifləmişlər. İqtisadi problemlər, Əfqanıstan və İraqda bir-birini izləyən məğlubiyyətlər, Amerika və digər Qərb ölkələrində hər gün keçdikcə genişlənən köklü etirazlar, Fələstin və Livan xalqlarının fədakarcasına mübarizələri, Yəmən, Bəhreyn və Amerikanın nüfuzu altında olan ölkələrin xalqlarının qəhrəmanca qiyamları, İslam ümmətinə və xüsusilə yeni İnqilab etmiş ölkələrə böyük müjdələri nəsib etməkdədir. İslam dünyasındakı mömin qardaş və bacılar xüsusilə Misir, Tunis və Liviyadakı xalqlar, beynəlxalq İslam gücünü qurmaq üçün bu fürsətdən ən gözəl şəkildə təmin olunmalıdır. Bu hərəkətlərin qabaqcılları Uca Allaha təvəkkül etməli; Onun kömək və vədinədə güvənməlidir. İslam ümməti üçün açılan bu yeni səhifəni öz qalıcı səyləriylə Allahın razılığını qazanmaq üçün bir səbəb etməlidirlər.
Allahın salamı saleh qullarına olsun.
Seyyid Əli Hüseyni Xameneyi. Hicri 1432 (2011)
Diqqət: Xəbərdən istifadə etdikdə mənbəyə istinad lazımdır
