Əhli Beyt -ABNA- xəbər agentliyinin verdiyi xəbərə əsasən: Mehman Məmmədov çıxışında Kənd əhalisinin vəziyyəti həddən artıq ağır vəziyyətdədir. Heç bir yerdə iş yeri yoxdur. Bu qışı kənd əhalisi qazsız keçirib. Biz bilmirik ki, bu deputatlar və bələdiyyə sədrləri nə işə baxırlar. Milli məclisdə bizim hüquqlarımızı müdafiə edən deputat Eldar Quliyev hardadır? Ancaq seçkidən seçkiyə gəlirlər toyuq düyü paylayırlar vəssəlam. Məgər Nardaran camaatı dilənçidir? Nardaran camaaatı həmişə xums, zəkat verən camaat olub. Biz hakimiyyətdən heç nə istəmirik. Bizim istəyimiz budur ki, sosial problemlərimizi həll etsinlər deyə bildirib.
Bundan sonra çıxış edən kənd ağsaqqları şurasını Natiq Kərimov hazır ki, problemlərin bir neçə illərin yığıldığı problemlərin nəticəsi olduğunu bildirib. Natiq Kərimov hakimiyyətin son günlərdə islamafobiya istiqamətində atdığı addımları tənqid edərək, bu cür halların hakimiyyətin ziyanına qurtaracağını qeyd edib.
Çıxışına davam edən Natiq Kərimov Hal-hazırda bizim əlimizdə olan imkanlar bizim qanımız və həbslərimiz hesabına əldə olunub. Bu cür imkanlar bizim öz gücümüzə əldə olunub. Nəinki hakimiyyətin. And ola Allaha ki, bu problemlərin həllində sabunçu rayon icra hakimiyyəti də acizdir. Bu problemlərin səbəkarları rüşvətxor və özbaşına məmurlarımızdır.
Problemlərimiz təkcə sosial problemlərdən ibarət deyil. Həmçinin son aylarda hakimiyyətin islamafobiya istiqamətində atdığı addımlar heç bir halda qəbul olunmazdır. Mən özüm İslam Partiyasının 1992-ci ildən üzvüyəm və bununla da fəxr edirəm. Islam partiyasının funksionerlərinə qarşı atılan addımlar heç bir halda qəbul olunmazdır. O, cür pak və vicdanlı insanlara qarşı atılan böhtanlara bu hakimiyyət nə ad qoyacaq? Biz bu hakimiyyətdən tezliklə bu problemlərin həll olunmasını tələb edirk. Əks halda bu aksiyalar bütün Azərbaycan kəndlərinə sirayət edəcək. deyə çıxışını sona çatdırıb.
Bir saata yaxın davam edən mitinqin sonunda qətnamə oxunub. Qətnamədə kəndin sosial problemləri vurğulanaraq tezliklə həll olunmasını tələb ediblər. Qətnamənin nüsxəsi prezident aparatına və bəzi nazirliklərə göndərilib.
Diqqət: Xəbərdən istifadə etdikdə mənbəyə istinad lazımdır
