Ötən gün İranın əksər şəhərlərində dini örtüyün müdafiəsi devizi altında nümayişlər keçirilib. Fars informasiya agentliyinin verdiyi məlumata əsasən nümayişlərə 10 minlərlə qadın qatılıb. Tehran, Məşhəd, Urmiyə, Sari, Rey və başqa şəhərlərdə nümayişə çıxan qadınlar İslam hicabının zəruriliyini ifadə edən plakatlar götürüb, şüarlar səsləndiriblər. Aksiyada əsasən gənc xanımların iştirakı bir daha göstərib ki, hicab məsləsi üsul-idarə yox, dini inancın tələbidir. İranda hamının daha ciddi dini geyim olan çadra örtməsi məcburi deyil. Amma qadınlar könüllü olaraq bu qaydada örtünməyə üstrünlük verirlər. Müqəddəs Qum şəhəri əhalisi ümumiyyətlə cəmiyyətdə çadrasız görünmür və bu könüllüdür.
