Əhli-Beyt (əleyhimus səlam) – Beynəlxalq Xəbər Agentliyi- ABNA: İran İslam Respublikasının xarici işlər naziri Seyid Abbas Əraqçi ABŞ-nin bir televiziya şəbəkəsinə müsahibəsində İranın nüvə proqramının dayandırılması və ya Vaşinqton tərəfindən “sıfır zənginləşdirmə” tələbi irəli sürülməsi ilə bağlı iddiaları təkzib edib. O bildirib ki, davam edən danışıqlar İranın nüvə proqramının sülhməramlı xarakterinə təminat verilməsi və sanksiyaların aradan qaldırılmasına yönəlib.
Seyid Abbas Əraqçi "Morning MS NOW" proqramına müsahibəsində bəzi media mülahizələrinə toxunaraq deyib: Bu fərziyyələr doğru deyil. Biz hazırda birgə işləyirik. Nə biz hər hansı təxirəsalma təklif etmişik, nə də Amerika tərəfi sıfır zənginləşdirmə tələb edib.
O əlavə edib: Hazırda müzakirə olunan əsas məsələ İranın nüvə proqramının, o cümlədən zənginləşdirmə fəaliyyətinin sülhməramlı olmasına və gələcəkdə də sülh məqsədli qalmasına necə təminat verilməsidir. Nazir bildirib ki, bunun müqabilində İran etimadın möhkəmləndirilməsi istiqamətində addımlar ata və sanksiyaların ləğvi təmin oluna bilər.
XİN rəhbəri aparıcının “Prezident Tramp tez-tez bu proqramı izləyir, prezidentə və Konqres üzvlərinə mesajınız nədir?” sualına cavabında qeyd edib: Əvvəlki ABŞ administrasiyaları İrana qarşı müharibə, sanksiyalar, “snapback” mexanizmi və digər vasitələrdən istifadə edib, lakin bunların heç biri nəticə verməyib.
Əraqçi vurğulayıb: Əgər İran xalqı ilə hörmət dili ilə danışsalar, biz də eyni dildə cavab verəcəyik. Amma əgər zor dili seçilsə, cavab da uyğun olacaq.
Nazir sonda qeyd edib: İran xalqı ləyaqətli xalqdır və Tehran yalnız qarşılıqlı hörmət əsasında dialoqa cavab verir.
Sizin rəyiniz