Əhli-Beyt (əleyhimus səlam) – Beynəlxalq Xəbər Agentliyi- ABNA: İran İslam Respublikasının Ali Milli Təhlükəsizlik Şurasının katibi Əli Laricani “Əl-Cəzirə”yə müsahibəsində bildirib ki, nüvə proqramı istisna olmaqla, heç bir digər məsələ üzrə danışıqlar aparılmır.
Laricani qeyd edib: İsrail danışıqlar prosesini pozmağa çalışır və müharibəni alovlandırmaq üçün bəhanələr axtarır.
O vurğulayıb: “Əgər ABŞ bizə hücum edərsə, onların regiondakı hərbi bazalarını hədəfə alacağıq.”
Laricaninin sözlərinə görə, İranın nüvə silahına malik olmaması məsələsində Vaşinqtonla müəyyən ortaq zəmin mövcuddur.
O əlavə edib: Vaşinqtondan konkret təklif alınmayıb və Omanda baş tutan proses mesaj mübadiləsindən ibarət olub.
Bildirilib ki, ABŞ ilə danışıqlar davam edir, region ölkələri bu prosesin uğur qazanması üçün çalışır və Tehranın mövqeyi onlara münasibətdə müsbətdir.
Laricani deyib: ABŞ-nin danışıqlara qoşulması rasional istiqamətə doğru addım kimi qiymətləndirilir.
O, tam zənginləşdirmənin dayandırılmasından söhbət getmədiyini vurğulayaraq bildirib: İranın enerji və dərman istehsalı sahəsində buna ehtiyacı var.
Sizin rəyiniz