Əhli-Beyt (əleyhimus səlam) – Beynəlxalq Xəbər Agentliyi- ABNA: Həzrəti Muhəmməd Peyğəmbərin (səlləllahu əleyhi və alih) ən əziz və sevimli, ilk həyat yoldaşının adı Xədicədir. O həyatda olduğu müddət ərzində Peyğəmbəri-əkrəm (səlləllahu əleyhi və alih) başqa bir xanımla nikah bağlamayıb. Onun islamı qəbul edərək iman gətirməsi və Peyğəmbərə xidməti sayılası qədər deyil. O həzrətin fəzilətində bunu demək kifayətdir: O, Fatimeyi-Zəhra (əleyha salam)-ın əziz anasıdır. Peyğəmbərin övladlarının hamısı məhz onunla bağlıdır.
Həzrət Xədicə (səlamullahi əleyha) Şəhadətə çatdığı zaman Peyğəmbərə vəsiyyət etdi. Peyğəmbərin uğrunda bu qədər fədakarlıq və canfəşanlığı, bütün mal-dövlətini onun məramı yolunda xərcləməsinə baxmayaraq dedi: “Ya Rəsuləllah! Məni bağışlayın, çünki, sizə lazımınca xidmət edə bilmədim.”
Peyğəmbər buyurdu: “Haşa və kəlla! Mən səndən heç bir təqsir görmədim. Mənim uğrumda sonadək çalışdın. Mənim evimdə çoxlu əzab-əziyyətlərə düçar olub sinə gərdin, var-dövlətini Allah yolunda bağışladın.”
Sonra Xədicə dedi: “Ya Rəsuləllah! (Fatimeyi Zəhraya işarə edərək) - bu qızı sənə vəsiyyət edirəm. O, məndən sonra yetim və qəribdir. Qüreyş qadınlarından biri ona əzab-əziyyət verməsin. Bir kəs onu vurmasın, üstünə qışqırmasın, xoşagəlməz hadisə görməsin.”
Həzrət Xədicə Əbu Talibin rehlətindən 45 gün keçən zaman - həmin ildə Ramazan ayının 10-cu günü (besətin onuncu ilində) 65 yaşında ikən fani dünyanı tərk edərək Uca və Yenilməz Allahına qovuşdu. (1)
1. “Təqvimuş-şiə”, səh. 227.
Diqqət: Lütfən Xəbərdən İstifadə Etdikdə Mənbəyə İstinad Edin!
Sizin rəyiniz