Əhli-Beyt (əleyhimus səlam) – Beynəlxalq Xəbər Agentliyi- ABNA: Həqiqətən, onların (peyğəmbərlərin) hekayətində ağıl sahibləri üçün ibrət vardır. [Quran] uydurma bir söz deyil, əksinə, özündən əvvəlkiləri (İlahi kitabları) təsdiq edən, hər şeyi müfəssəl izah edən, iman gətirən bir qövm üçün hidayət (doğru yolu göstərən rəhbər) və mərhəmətdir. (Yusuf/111)
1. İnsanın Xəlifətullah (İlahi Naiblik) məqamı
Allah mələklərə insanın yer üzündə İlahi Xilafətə təyin olunmasını xəbər verdi və ona adları öyrətdi (Bəqərə, 30-33).
2. Şeytanın təkəbbürü
Allah mələklərə Adəmə (əleyhis-salam) səcdə etməyi əmr etdi, lakin şeytan bundan imtina etdi və təkəbbürlük göstərərək kafirlərdən oldu (Bəqərə, 34).
3. Həzrət Adəmin (əleyhis-səlam) vəsvəsəsi
Həzrət Adəm (əleyhis-səlam) və Həvva (əleyha səlam) cənnətdə yaşamış, lakin şeytanın vəsvəsəsi ilə cənnətdən qovulmuşlar (Bəqərə, 35-36).
4. Həzrət Adəmin (əleyhis-slam) tövbəsinin qəbulu.
Adəm və Həvva (əleyhis-salam) tövbə etdikdən sonra Allah onları bağışladı (Bəqərə, 37-38).
5. Bəni-İsrailin bərəkəti
Allah İsrail oğullarına çoxlu nemətlər bəxş etdi; Lakin bunun müqabilində, onların çoxu bu nemətləri inkar etdi (Bəqərə, 40-61).
6. Firon və ordusunun qərq olması
Allah İsrail övladlarını xilas etmək üçün dənizi yarıb Fironu və ordusunu suya qərq etdi (Bəqərə, 50).
7. İsrail övladlarının danaya sitayişi
Samiri Bəni-İsraili Musa peyğəmbərin (əleyhis-salam) 40 günlük qeybində buzova sitayiş etdirdi. Lakin onlar öz səhvlərini başa düşdülər, tövbə etdilər və Allah onları bağışladı (Bəqərə, 51-54).
8. Şənbə Qanununun pozulması
İsrail övladları şənbə günü balıq tutmamaq qanununu pozdular və həddi aşdılar (Bəqərə, 65-67).
9. Allahın inək kəsmək əmri
Bəni-İsrail inəyin kəsilməsi ilə bağlı İlahi əmri çoxlu suallarla özlərinə mürəkkəbləşdirərək, çətinləşdirdilər (Bəqərə, 67-73).
ABNA Xəbər Agentliyi
Diqqət: Lütfən Xəbərdən İstifadə Etdikdə Mənbəyə İstinad Edin!
Sizin rəyiniz