Сионист режим гырыҹыларынын Гәззәдәки бөлҝәләрә гаршы һүҹумларынын давам етмәси, мүгавимәт дөјүшчүләринин ракет ҹавабы илә мүшајиәт олунуб. Медиалар ишғал олунмуш Фәләстинин мәркәзиндә јерләшән Тәл-Әвивдә вә Гәззә әтрафындакы сионистсакинли гәсәбәләрдә һәјәҹан сигналларынын ешидилмәсиндән хәбәр верибләр.
Гүдсү ишғал етмиш Исраил режими ордусунун радиосу да дипломатик мәнбәләрә истинадла/ атәшкәсин бәргәрарына даир бүтүн тәмасларын дајандырылдығыны билдириб. Сионист режим ордусу мәлумат вериб ки, дөјүшләрин әввәлиндән бәри Гәззәдән сәккиз јүздән чох ракет атылыб.
Диҝәр тәрәфдән, Фәләстин Ислами Ҹиһад Һәрәкатынын һәрби голу олан Гүдс баталјонларынын сөзчүсү сионистләрә хәбәрдарлыг едибдир ки: Мүгавимәт јолу һеч бир террор әмәлијјаты илә дајанмајаҹаг вә азадәләрин интигамы әмәлијјаты чәрчивәсиндә сионист дүшмәнлә мүбаризәјә әзмкарыг.
Мүгавимәт дөјүшчүләри дөјүшләрин давам едәҹәји заманадәк аловун мигјасыны ҝенишләндирмәјә һазырдырлар- дејә, Әбу-Һәмзә вурғулајыб.
342/
