Yaranma tarixi
“Yahova şahidləri” – yəqin bu ad çoxlarınıza tanışdır. Onalrın əsas məramları bir din dövləti olan tanrı krallığı yaratmaqdır. Dinini yaxşı bilməyən və zəif inanc sahibi olan insanlar bu dəvəti qəbul edirlər. Bəs Yahova Şahidləri kimlərdir? Nə zaman yaranıb və hardan gəlib?
“Yahova Şahidləri” yəhudi soylu, dini yönümlü, xristianlığı və xüsusilə də İslamı parçalamaq hədəfli, şəraitinə görə din, məzhəb, təriqət, mafiya və s. kimi müxtəlif cəhətli çox gizli eyni zamanda çox təhlükəli bir təşkilatdır.
"Yahova şahidləri"nin müasir tarixi bir neçə əsr əvvələ gedib çıxır. İlk dəfə 1870-ci illərin əvvəlləri Allegeynidə (ABŞ, Pensilvaniya ştatı, hazırda Pittsburq) "Müqqədəs kitab" dərnəyi ABŞ-da iş adamı Çarlz Tez Rassell tərəfindən yaradılmışdır. O, bu sektanın mövqeyini Hz. İsa-nın gələcəyi və qiyamət günü qopacağı əsasında qurmuşdur. Amerikada dərc etdiyi ilk jurnalda Hz. İsa-nın 1878–ci ildə gələcəyi xəbərini verdi.1879-cu ilin iyulunda "Sion Gözətçi Qülləsi və Məsihin zühurunun müjdəçisi" jurnalının birinci sayı işıq üzü gördü. Lakin, təbii ki, bu xəbər həyata keçmədi. Artıq 1880-ci ildə bu balaca müqəddəs kitab dərnəyindən digər ştatlarda onlarla yığıncaqlar təşkil edilməyə başladı. 1881-ci ildə "Sion gözətçi qülləsi və traktatlar cəmiyyəti" yarandı və 1884-cü ildə rəsmi olaraq qeydiyyatdan keçdi. Rassel cəmiyyətin prezidenti oldu. Bir müddət sonra cəmiyyətin adı "Gözətçi Qülləsi və traktatlar cəmiyyəti" ilə əvəz olundu. Cəmiyyətin üzvləri qapı-qapı gəzərək, evlərə müqəddəs olduğuna inındıqları ədəbiyyat verməyə başladılar. Daha sonra Rassel Hz. İsa-nın 1891 ci ildə gələcəyi xəbərini vermək üçün dünya turuna çıxdı. Lakin bu xəbər də yalan oldu. Almaniya, Türkiyə, İtaliyada özünə tərəfdar toplaya bilməyən Rassel başqa ölkələrə üz tutdu. O öldükdən sonra onun işini Rezerford davam etdirdi.
Hazırda 230-dan çox ölkədə təbliğ olunan 6 milyondan çox insan özünü "Yahova şahidi" adlandırır. 1909-cu ildə fəaliyyətin dünya miqyasında yayılmasına qərar verildi. Rəhbərlik Bruklinə (Nyu-York) köçürüldü. Hazırda əsas fəaliyyətlərini də həmin mərkəzdən idarə edirlər.
"Yahova şahidləri" artıq 1870-ci ildə "Müqəddəs kitab tədqiqatçıları" adlanırdılar. 1931-ci ildən onlar, müqəddəs kitaba əsasən, "Yahovanın şahidləri" adını qəbul etdilər.
"Yahova şahidləri"nin əsas təlimləri "Müqəddəs Kitaba", yəni Tövrata, Zəbura və İncilə əsaslanır.
Qeyd eək ki, "Müqəddəs Kitab" - "Əhdi-Ətiq" və "Əhdi-Cədid" adlı iki hissədən ibarətdir. "Əhdi-Ətiq"ə Tövrat və Zəbur, "Əhdi-Cədid"ə isə təkcə İncil daxildir.
Onlar özlərini "Yahova şahidləri" adlandırır. Bu ad göstərir ki, onlar Yahova - Allah haqqında şahidlik etdiklərini iddia edirlər. Bir çox "Müqəddəs Kitab" tərcümələrində Yahova adı deyil, "Allah" və "Rəbb" sözləri istifadə olunur.
Yahova Şahidlərinin strukturu
Yahova Şahidləri üç qrupa bölünürlər. İlk iki qrup Aristokrat qrupudur və onlar “Sadiqlər” adlanırlar; sayları təxminən 200 minə yaxındır. Qalanı isə uşaq və ya xidmətçi səviyyəsində olanlardır.
Təşkilata yeni üzv olanlar üçüncü qrupdan olmağı əvvəlcədən qəbul etməlidirlər.
Onlar bir robot kimi sadəcə mərkəzdən gələn əmrləri yerinə yetirirlər.
Onlar şirin söhbətlərlə gəncləri, xüsusən, müsəlman uşaqlarını aldatmağa, öz amallarına xidmət göstərməyə məcbur etməyə çalışırlar. Telefon danışıq mərkəzlərindən aldıqları ünvanlara broşurlar, kitablar göndərirlər; cəlbedici, gənc qızları qapı-qapı dolaşdıraraq evlərə, iş yerlərinə bu broşur və kitabları dağıdırlar.
Dini görünüşlü bu təşkilatın yayım evləri, villaları, məktəbləri, müxtəlif komitələri və müfəttişləri vardır.
“Gözətçi qülləsi” və “Üsyan” adlı məcmuələrini ayda 5 milyondan artıq tirajla nəşr edib paylayırlar.
Əsas inancları
1. Yəhudilərin müqəddəs kitabı olan Tövratda adı çəkilən YAHOVAnın tanrı olduğuna, İSA peyğəmbərin də “Yahova ölkəsi”nin rəhbəri olduğuna inanırlar.
2. Zahirdə xristianların kitabı olan İNCİLə də inanmış görünürlər və onu maraqlarına uyğun olaraq şərh edib, anladırlar. İsa peyğəmbəri və İncili öz hədəfləri (Dünyanı ələ keçirmək və dini-dünyəvi bir dövlət qurmaq) üçün alət kimi istifadə edirlər.
3. Axirətə – cənnətə inanmırlar, inanclarına görə cənnət dünyada və güman etdikləri məmləkətlərindədir. Şeytan da bu dünyanın gözəgörünməz idarəedicisidir.
4. İsa peyğəmbərin 1914-cü ildən Tanrının krallığını qurmağa başladığına inanır və bundan əlavə, İsanın əsgərlərilə birlikdə bir “Nicatverici” döyüşə girişib yer üzündəki bütün hökmdarları, siyasi qurumları, dövlətləri, millətləri, qısası (öz təbirlərilə) şeytanın güclərini yox edəcəyinə və beləcə Tanrının krallığının da, görünür hələ qarşıda olduğuna inanırlar.
5. Ruha və sonsuzluğa inanmırlar.
6. Özlərinə məxsus ibadətləri vardır, buna “Kral Salonu” adı verirlər.
7. İnsan qardaşlığı sadəcə onlara məxsusdur, bu, digər insanlara aid deyildir. “Yahova şahidi” olmayan hər kəs – onlara görə – bir heyvandır, keçidir və “Yahova Şahidləri”nə qarşıdır.
8. Bütün rejimlərə qarşıdırlar. Camaatı üsyana təhrik edirlər. Yəhudilikdən başqa bütün dinləri düşmən bilirlər; rəhbərlərinin hamısı yəhudidir. Hər “Yahova şahidi” tanrı qəbul etdikləri Yahovanın əsgəridir; əsgərliyə getmir, dövlət bayrağını tanımırlar.
9. Yəhudiliyin müqəddəs saydığı on doqquz kitabın müqəddəsliyini qəbul edirlər.
10. Xristianların təslis inancını, yəni Ata-Oğul-Ruhul Qüds üçlüyünü Yehova-Oğul-Ruhul Qüds kimi qəbul edirlər. Daha doğrusu Allahın üç şəxsdə bütövlük tapdığını qəbul etmir. "Ata" olduğuna inandıqları Yahova "vahid həqiqi" Allahdır. Həzrəti İsanın onun tabeliyində olan oğlu olduğunu qəbul edirlər. "Ata" "oğul"dan böyükdür. "Müqəddəs ruh"un şəxsiyyət deyil, Allahın fəal qüvvəsi olduğuna inanırlar.
“Yahova şahidləri” Azərbaycanda
Sovet İttifaqının dağılmasından və Qərbin Azərbaycana ayaq açmasından sonra bəzi dini qrup və missiyalar da bu islami ölkəyə daxil olmağa başladılar.
Əsaslı maliyyə dəstəyinə malik bu dini təşkilatlar öz din və adət ənənələrini Azərbaycanın müsəlman xalqına qəbul etdirmək üçün çox böyük səylərə başladırlar. Bu qrupların biridə “Yahova şahidləri” (Yahva şahidləri) qrupudur ki, son zamanlar öz fəaliyyətini ölkəmizdə xeyli intensivləşdirib. Rəsmi olraq onları fəaliyyəti Azərbaycanda qadağan olunub.
Cənubi Qafqazda “Yahova şahidləri”nin əsas evi Gürcüstan sayılır. Bu ölkə heç də təsadüfi seçilməyib. Ermənistan və Azərbaycanın “yahovalar”ının bir yerdə cəmləşməsi üçün Tiflis ən yaxşı məkandır. Hər il bir neçə dəfə Tiflisə özlərinin konqresinə gedən “yahovalar”ın Azərbaycandakı sayını öyrənmək o qədər də çətin deyil. Azərbaycan yəhovalarının əqidəsinə görə ermənilər onların qardaşıdır və buna əsasən əgər Ermənistanla Azərbaycan arasında müharıbə başlayarsa qardaşlarının tərəfin saxlamaq onların borcudur.
Hazırda 230-dan çox ölkədə təbliğ olunan 6 milyondan çox insan özünü “Yahova şahidi” adlandırır.
Yığıncaqları və “Krallıq zalları”
“Yahova şahidləri”nin yığıncaqlarının əksəriyyətində hər həftə 3 görüş keçirilir. Görüşlər dua ilə başlanır və dua ilə başa çatır. Görüşlərin çoxunda ruhani (ilahi) mahnılar oxunur. Giriş sərbəstdir. Yığıncaq iştirakçıları, imkanına görə, əvvəlcədən qoyulmuş qutulara pul atır. Yığıncaqlar keçirilən “Krallıq zalları” adlandırılır. Bu tikililər adətən müxtəlif ölkələrdə “Yahova şahidləri”nin sıralarından olan könüllü işçilər tərəfindən inşa edilir və sadə olmasına əhəmiyyət verilir. “Krallıq zalları”nda, müxtəlif xristian məzhəblərində olduğu kimi, şəkillər, xaçlar və buna bənzər şeylər görmək mümkün deyil. İcarəyə götürülən yerlərin xərcləri könüllü ianə hesabına ödənilir. Başqa yerlərdə onların məclislərinə giriş sərbəst olduğu halda, ölkəmizdə bura ancaq əvvəlcədən dəvət edilənlər daxil ola bilər.
Hər bir yığıncağa “ağsaqqallar”, yəni nəzarətçilər rəhbərlik edir. Onlar yığıncağın təşkilinə başçılıq edirlər. Onlara köməkçilər yardım edir. Bu xidmətçilər yığıncaqdakı başqa adamlardan üstün hesab edilmir. Onların xüsusi titulları olmur. Geyimlərilə də başqalarından fərqlənmirlər. Gördükləri işə görə onlara maaş verilmir.
Missionerlik fəaliyyətilə məşğul olanlar “pioner” adlandırılır. Pionerlər də gündəlik, həftəlik və aylıq bu işə sərf etdikləri vaxta uyğun olaraq “ümumi”, “xüsusi” və “köməkçi pioner” adlandırılır.
Bayramları qəbul etmirlər
“Yahova şahidləri”nin hər il kütləvi görüşləri – konqresləri keçirilir. Bu görüşlər zamanı birlikdə müqəddəs kitaba əsaslanan təlimlərdən ibarət xüsusi mühazirələrə qulaq asırlar.
Bir qayda olaraq, keçirilən hər konqres zamanı yeni şagirdlər vəftiz olunur. Vəftizi yetkinlik yaşına çatmış insanın Allah qarşısında tövbə etməsi və bunu simvolik olaraq suda həyata keçirməsi kimi qəbul edirlər.
"Yahova şahidləri" üç üqnumu, yəni Allahın üç şəxsdə b
