Əhli-Beyt (əleyhimus səlam) – Beynəlxalq Xəbər Agentliyi- ABNA: İran İslam Respublikasının Məhkəmə Hakimiyyəti bəyanat yayaraq bildirib ki, düşmən tərəfi ilə əməkdaşlıq edən, Qolhək Cümə Məscidini yandırmaqla yanaşı, həmin ərazidə Mosad şəbəkəsinin təhlükəsizliyə qarşı əməliyyatlarına rəhbərlik edən silahlı qruplaşma üzvü Əmirəli Mircəfəri, Ali Məhkəmə tərəfindən hökmün təsdiqlənməsindən və qanuni prosedurların tamamlanmasından sonra bu gün səhər tezdən asılaraq edam edildi.
Məhkəmə Hakimiyyətinin bəyanatının mətni aşağıdakı kimidir:
Məhəmmədrza oğlu Əmirəli Mircəfəri – düşmən tərəfi ilə əməkdaşlıq edən, Qolhək Cümə Məscidini yandırmaqla yanaşı, həmin ərazidə Mosad şəbəkəsinin təhlükəsizliyə qarşı əməliyyatlarına rəhbərlik edən silahlı qruplaşma üzvü – bu gün səhər tezdən, Ali Məhkəmə tərəfindən hökmün təsdiqlənməsindən və qanuni prosedurların tamamlanmasından sonra asılaraq edam edildi.
1404-cü ilin Dey ayında (yanvar 2026) İran İslam Respublikasının sistemini devirmək məqsədilə Mosad şəbəkəsi tərəfindən törədilən şiddətli və silahlı iğtişaşlar zamanı, İslam İnqilabı Keşikçiləri Korpusunun Kəşfiyyat İdarəsi Tehranın Qolhək məscidinin dağıdılmasında və yandırılmasında mühüm rol oynamış, həmçinin düşmən tərəfi ilə əməkdaşlıq edən şəbəkədə rəhbər vəzifəsi tutmuş şəxsi müəyyən etdi.
Əmirəli Mircəfəri müəyyən edilərək həbs edildikdən sonra, məhkəmə istintaqı zamanı etiraf edib ki: "Dey ayının 18-də dostlarımla birlikdə iğtişaşlarda iştirak etdik, telefon budkalarına, avtobus şüşələrinə daş və digər cisimlər atdıq, Mirdamad küçəsində benzinlə doldurulmuş şüşələrlə motosiklet yandırdıq."
"Cümə günü saat 18:00-da isə Dövlət küçəsi və metro yaxınlığındakı küçədə zibil qutusu və motosiklet yandırdıq."
O, həmçinin iğtişaşlar zamanı rəhbər və komandir rolunu oynadığını, soyuq silah və benzin daşıdığını etiraf edib.
Məhkum edilmiş şəxs, həmçinin yazılı şəkildə Fəraca (İran polisi) əməkdaşlarına və təhlükəsizlik qüvvələrinə hücum etdiyini etiraf edib.
Onun cinayət işində qeyd olunan əməllər arasında: avtobusların dağıdılması, Fəraca əməkdaşlarına məxsus motosikletlərin yandırılması, Qolhək Cümə Məscidinin dağıdılıb yandırılması, Mosad şəbəkəsinin mitinqlərinə rəhbərlik edilməsi, mitinqlərdə soyuq silah daşınması, təhlükəsizlik qüvvələrinə soyuq silahla zərər vurulması, zibil qutularını yandırmaqla yolların bağlanması və s. göstərilib.
Həmçinin hadisə günü Əmirəli Mircəfəri məscidi yandırmaqla məşğul olub.
Sizin rəyiniz