Əhli-Beyt (əleyhimus səlam) – Beynəlxalq Xəbər Agentliyi- ABNA: İran İslam Respublikasının Xarici İşlər Nazirliyinin sözçüsü İsmail Bəqai cənabları bildirib: “Hörmüz boğazında gediş‑gəliş barədə qərar təkcə Xarici İşlər Nazirliyinin qərarı deyil və İran İslam Respublikasının qərarı ölkənin qərarvermə sistemi çərçivəsində və 8 aprel tarixində elan olunmuş öhdəliklər əsasında qəbul edilib. Əgər qarşı tərəf öhdəliklərini pozarsa, İran İslam Respublikası zəruri qarşı tədbirləri həyata keçirəcək.
Dr. Ərakçinin “X”dəki paylaşımında da açıq şəkildə qeyd olunub ki, Livanda atəşkəsin bərqərar olması — ki bu, atəşkəs anlaşmasının ayrılmaz hissələrindən biri hesab olunur — və daha sonra İran İslam Respublikası tərəfindən müəyyən edilən marşrut əsasında, Limanlar və Gəmiçilik Təşkilatı, İranın səlahiyyətli qurumları ilə koordinasiya edərək bu marşrutu elan edib. Nəticədə, bu paylaşım atəşkəs anlaşmasının icrası çərçivəsindədir və vurğulanıb ki, atəşkəs müddəti ərzində vəziyyətdə heç bir dəyişiklik olmayacaq və yalnız qarşıdakı dörd gün nəzərdə tutulub.
Hörmüz boğazı hələ də İran İslam Respublikasının nəzarəti altındadır və biz öz öhdəliklərimizə ciddi yanaşırıq. Əgər qarşı tərəf yenidən öhdəlik pozuntusuna cəhd edərsə — ki görünür belə bir niyyətləri var — İran İslam Respublikası zəruri qarşı tədbirləri görəcək. Belə vəziyyət üçün zəruri öncədən planlaşdırmalar aparılıb. Əgər onların bəhs etdikləri dəniz blokadası davam etsə, İran İslam Respublikası, şübhəsiz, lazımi tədbirləri həyata keçirəcək və bu mövzuda heç bir dəyişiklik edilməyəcək.”
Sizin rəyiniz