Əhli-Beyt (əleyhimus səlam) – Beynəlxalq Xəbər Agentliyi- ABNA: İran Prezidenti ölkələr arasında imzalanmış hərtərəfli strateji əməkdaşlıq proqramının icrası ilə bağlı ciddi iradə nümayiş etdirildiyini bildirərək vurğulayıb: Region ölkələri münasibətlərini elə genişləndirməlidirlər ki, bölgənin taleyini müəyyən etmək üçün kənar güclərin müdaxiləsinə ehtiyac qalmasın.
İran Prezidenti Məsud Pezeşkian bu gün – 18 fevral 2026-cı il tarixində (çərşənbə) Rusiya Federasiyasının energetika naziri Sergey Sivilyev və onu müşayiət edən nümayəndə heyəti ilə görüşdə Tehran–Moskva münasibətlərinin yeni mərhələdə olduqca yüksək səviyyədə və artan xətt üzrə inkişaf etdiyini bildirib və ikitərəfli əlaqələrin sürətlənməsindən məmnunluğunu ifadə edib.
Prezident hökumətin fəaliyyətə başladığı dövrdən etibarən Rusiya Prezidenti Vladimir Putin ilə keçirdiyi çoxsaylı görüşlərə toxunaraq qeyd edib: Bütün danışıqlarda iki ölkə və iki xalqın ortaq maraqlarını təmin edən mühüm və strateji qərarlar qəbul olunub və eləcə Tehran–Moskva münasibətlərində yeni perspektivlər açılıb.
Pezeşkian İran İslam Respublikasının iki ölkə arasında hərtərəfli strateji əməkdaşlıq proqramının icrasına qətiyyətlə sadiq olduğunu vurğulayaraq bildirib: Bu sənədi güc, sürət və dəqiqliklə əməli mərhələyə keçirməkdə qərarlıyıq. Razılaşdırılmış bütün sahələr – nəqliyyat, enerji, neft-qaz, kənd təsərrüfatı və ərzaq məhsulları, müdafiə və təhlükəsizlik istiqamətləri üzrə icra prosesi arzuolunan dinamika ilə davam etdirilir.
Prezident əlavə edib: Razılaşmaların icra vəziyyətini şəxsən həftəlik əsasda izləyir və neft, kənd təsərrüfatı və energetika nazirlərinə öhdəliklərin icrasının sürətləndirilməsi ilə bağlı xüsusi tapşırıqlar verilib.
Sizin rəyiniz