Əhli-Beyt (əleyhimus səlam) – Beynəlxalq Xəbər Agentliyi- ABNA: İran İslam Respublikasının Xarici İşlər Nazirliyinin sözçüsü Amerika tərəfinin Oman xarici işlər naziri və Beynəlxalq Atom Enerjisi Agentliyinin baş direktoru ilə danışıqlar apardığını və İranın nüvə məsələsi, sanksiyaların ləğvi və hər hansı bir anlaşma çərçivəsi ilə bağlı fikirlərinin Amerika tərəfinə çatdırıldığını açıqladı.
İRNA müxbirinə verdiyi müsahibədə İsmayıl Bəqayi bildirib: Dolayı İran-ABŞ danışıqlarının ikinci mərhələsi dünən İran və Oman arasında ilkin danışıqlar mərhələsi ilə başladı və İranın fikirləri izah edildi.
O əlavə etdi: Cenevrə vaxtı ilə saat 10:00-dan etibarən həm İran, həm də Amerika nümayəndə heyətləri danışıqlarda iştirak edir və Oman tərəfi vasitəsilə mesaj mübadiləsi praktik olaraq başlayıb.
Bəqayi əlavə etdi: Beynəlxalq Atom Enerjisi Agentliyinin baş direktoru ilə İran və Amerika tərəfləri arasında aparılan danışıqlar bu danışıqlar mərhələsini əvvəlki mərhələdən fərqləndirir.
O, sözünə davam edərək dedi: “İran nümayəndə heyəti Cenevrədə həm texniki-nüvə, həm də iqtisadi sahələrdə (sanksiyaların ləğvi) tam hazırlıqlı tərkiblə iştirak edir ki, bu da İranın nəticəyönümlü dialoqa ciddi yanaşdığının göstəricisidir.”
Sizin rəyiniz