Əhli-Beyt (əleyhimus səlam) – Beynəlxalq Xəbər Agentliyi- ABNA: ABŞ livanlı həkimi şəhid Seyid Həsən Nəsrullahın dəfn mərasimində iştirak etdiyi üçün ölkədən qovub.
ABŞ səlahiyyətliləri telefonunun silinmiş fayllar qovluğunda şəhid Seyid Həsən Nəsrullahın dəfn mərasimində iştirakını əks etdirən foto və videoların tapılmasından sonra keçən həftə Rod-Aylenddən Livana bir həkim deportasiya etdiklərini açıqlayıb.
Doktor Rəşa Ələviyyə Amerika kəşfiyyat agentlərinə Livanda Hizbullahın şəhid baş katibinin dəfn mərasimində iştirak etdiyini və onu bir Şiə müsəlman kimi dəstəklədiyini deyib.
Elit və bacarıqlı şəxslərə verilən vizaya sahib olan 34 yaşlı Livan vətəndaşı ailəsini ziyarət etmək üçün Livana səfərdən qayıtdıqdan sonra Bostonun Loqan Beynəlxalq Hava Limanında həbs edilib.
Sonra onun qohumlarından biri məhkəməyə müraciət edərək onun Amerika torpaqlarından deportasiyasının qarşısının alınmasını tələb edib.
ABŞ Ədliyyə Departamenti livanlı həkimin ölkədən çıxarılması ilə bağlı ilk ictimai izahatında deyib:
Braun Universitetinin nefroloqu və dosenti Raşa Ələvinin telefonunda tapılanlar və hava limanında sorğu-sual zamanı verdiyi ifadələr əsasında ABŞ-a qayıtmasının qarşısı alınıb.
Ələviyyə sorğu-sual zamanı şəhid Seyid Həsən Nəsrullahın dəfn mərasimində iştirakının səbəbi ilə bağlı bunları deyib:
Bu sırf dini məsələdir. O, cəmiyyətimizdə çox hörmətli şəxsdir və mənim üçün bu, siyasi məsələ deyil.
Sizin rəyiniz