Əhli-Beyt
(əleyhimus səlam) – Xəbər Agentliyi ABNA-nın verdiyi məlumata əsasən, iki gecə
öncə bəhreynlilər 1994-cü ildə Əl-Xəlifə rejiminə qarşı xalq qiyamının ilk iki
şəhidinin şəhadətinin ildönümü ilə bağlı nümayiş keçiriblər. Etirazçılar, şəhidlərin
və həbsdə olan müxalifət liderlərinin şəkillərini əllərində tutaraq bu ölkənin vəhhabi
əqidəli qanunsuz kralı Həməd bin İsa Ali-Xəlifə əleyhinə şüarlar səsləndiriblər.
Nümayişçilərin şüarlarından biri də “Həməddən bezmişik!” olub.
Verilən məlumata əsasən, Bəhreynin Əl-Sənab qəsəbəsinin əhalisi də bu iki şəhidin şəhadətinin ildönümü mərasimində şəhidlərin yolu ilə gedəcəklərini vurğulayıblar. Onlar həmçinin siyasi və ideoloji məhbusların azad edilməsini tələb ediblər.
Xatırladaq ki, 2011-ci il fevralın 14-dən etibarən Bəhreyndə qanunsuz Ali-Xəlifə rejiminə qarşı xalq üsyanı yeni mərhələyə qədəm qoyub.
Diqqət: Xəbərdən İstifadə Etdikdə Mənbəyə İstinad Lazımdır!