Əhli Beyt (əleyhimus-səlam) Xəbər Agentliyi –ABNA-nın verdiyi xəbərə əsasən, Bəhreynli diplomat "Xalid Əl-Cəlahimə" qondarma sionist rejimin qondarma paytaxtı Tel-Əvivə gedərək, işğal olunmuş ərazilərdə ilk Bəhreyn səfiri olaraq işə başladığını bildirib.
"Bəhreynin İsrail hökumətindəki ilk səfiri olaraq işə başlamaq üçün bu gün Tel -Əvivə gəlişimi elan etməkdən qürur duyuram", - deyə o, tvit yazıb.
"İsrail Bil-Ərəbi" qazetinin yazdığına görə Əl-Cəlahimə “Bahrain Gulf Air” hava şirkəti vasitəsi ilə Tel-Əvivə daxil olub.
Xalid əl-Cəlahimə 29 iyun 2021-ci ildə rəsmi olaraq Bəhreyn kralı tərəfindən Manamanın Sionist rejiminə ilk səfiri təyin edilmişdir.
Qeyd edək ki, ötən ilin avqust ayında Bəhreyn Birləşmiş Ərəb Əmirliklərindən sonra 2020 -ci ilin avqustunda münasibətləri normallaşdırmaq məqsədi ilə sionist rejimlə razılığa gəldiyini elan etmişdi.
Xatırladaq ki, 2016 -cı ilin noyabr ayında Bəhreyn rəsmilərinin sionist rejimə ilk rəsmi səfəri zamanı iki tərəf səfirlik açmaq barədə razılığa gəlmişdilər.
.............................
Xəbərin sonu / 268



Diqqət: Xəbərdən İstifadə Etdikdə Mənbəyə İstinad Lazımdır!