Əhlibeyt (ə) Xəbər Agentliyinin verdiyi məlumata görə - Moskvada nəşr olunan Kommersant qəzeti bu gün nəşr etdiyi bir analizdə bunları yazıb: "İsrailin Baş naziri Benyamin Netanyahu bu gün Moskvaya reallaşdırdığı səfərdə, rəsmi Moskvanı İranın Suriyadakı nüfuzuna maneə törətməyə çağırıb. Bu səfər Netanyahunun Amerikada hökumətin dəyişməsi və Suriyada atəşkəsin elan edilməsindən sonra reallaşan ilk səfəridir. Dünya siyasət arenasında baş verən əhəmiyyətli dəyişikliklər Rusiya və İsrail liderləri arasındakı danışıqları çox əhəmiyyətli edir. İsrailli diplomatik qaynaqların açıqlamalarına görə, Amerika prezidenti Donald Trump'ın dəstəyini alan Netanyahu, Rusiyanın Dövlət başçısı Vladimir Putini İranın bölgədəki nüfuzuna maneə törətməy məqsədi ilə bir təşkilat yaradılmasına razı etməyə çalışır.
İsrail baş nazirinin Moskvaya səfəri Netanyahunun fevral ayında İngiltərə Baş naziri Theresa May ilə Londonda və sonra Amerika prezidenti Donald Trump ilə Vaşinqtonda və qərbli liderlərlə reallaşdırdığı görüşlərin davamı olaraq qiymətləndirilir. Barak Obama hökumətinin İran mövzusunda müvəffəqiyyətli ola bilməydiyini bildirən Netanyahu, Amerikanın yeni başçısı vəzifəyə başladıqdan sonra Amerika Birləşmiş Ştatlarında siyasi sahədə yaşanan dəyişmədən öz lehinə istifadə etmək üçün dərhal Amerikaya səfər etmişdir.
Benyamin Netanyahu Vladimir Putin ilə reallaşdırdığı görüşdə Nüvə Sazişi məsələsinə də toxunaraq, İranın Suriyadakı qeyri-konstruktiv mövqe tutduğunu vurğulayıb, bu mövzunun Rusiyanın mənfəətlərini də əhatə etdiyini bildirərək Rusiyanı İranla əməkdaşlıqdan çəkindirmək istəyib.
