Əhli Beyt (əleyhimus-səlam) - ABNA – Xəbər Agentliyinin verdiyi xəbərə əsasən, Azərbaycan İslam Partiyası bununla bağlı Taleh Bağırovla bağlı bəyanat yayıb.
Qurumun Mətbuat Xidmətindən daxil olan bəyanatda deyilir:
26 noyabr 2015 ci il tarixində Bakının Nardaran qəsəbəsində baş verən faciəli hadisə bizim və bütün Azərbaycan xalqının kədərinə səbəb oldu. 6 nəfərin ölümü və 4 nəfərin yaralanması ilə nəticələnən hadisə yalnız xalqımızın düşmənlərini sevindirə bilərdi. Bu gün torpaqlarımızın 20 faizinin erməni qəsbkarlarının işğalı altında olduğu bir zamanda xalqımızın daha çox birliyə, vəhdətə, qarşılıqlı etimad və anlaşmaya ehtiyacı vardır. Təəssüflər olsun ki, belə bir dönəmdə ölkədə baş verən neqativ hallara etirazını bildirən dini cameənin üzvləri nəinki basqılara məruz qaldı, hətta silaha əl atılaraq faciə ilə nəticələnən hadisələr törədildi. Haqsız olaraq çoxsaylı insanlar həbs olundu və hazırda məhbəs həyatı yaşayır.
Azərbaycan İslam Partiyası Bakı Ağır Cinayətlər Məhkəməsində dövlət ittihamçısının məhkəmədən hadisədə təqsirləndirilən şəxslərə Hacı Taleh Bağırzadə olmaqla ağır və ən ağır cəza tələbini ədalətsiz və qərəzli hesab edir. Biz məhkəmədən vətəndaşlara qarşı daha humanist, qanuni mövqe tutacağını gözləyir və tələb edirik.
Hazırkı dövrdə ölkəmizi terrorla hədələyən və müxtəlif qütblərin alətinə çevrilmiş, özlərini islamçı kimi qələmə verən, əslində İslamın düşməni olan təkfirçilərin qarşısında həqiqi islamçıların dayanmasını vacib bilib vətənpərvər, dinini sevən insanlara humanist münasibət bəslənməsini zəruri və vacib hesab edirik. Düşmənlərimizə başqa yolla qalib gəlmək çətindir.
Diqqət: Xəbərdən istifadə etdikdə mənbəyə istinad lazımdır
