Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən,İsrail terroru nəticəsində həyatını itirən "Hizbullah" üzvləri və İranlı generalın yas məclisində İranın Xarici İşlər nazirinin müavini ABŞ-a Quneytra mesajı verdiyini açıqlayıb
İsrail terroru nəticəsində Quneytrada həyatını itirən "Hizbullah" üzvləri və İranlı generalın yas məclisində İranın Xarici İşlər nazirinin müavini Huseyn Əmir Abdullahian ABŞ-a Quneytra mesajı verdiyini açıqlayıb.
İranlı nazir müavini bu haqda deyib: "General Muhəmməd Əli Allahdadinin şəhadətindən sonra diplomatik kanallarla ABŞ-a bir mesaj göndərdik. Mesajda "İşğalçı sionist İsrail rejimi qırmızı xətti tapdaladı və bunun nəticəsini gözləsinlər" dedik."
Qeyd edək ki, bu gün Tehranda məscidlərdən birində Quneytrada həyatını itirən İranlı general və "Hizbullah" üzvləri üçün təşkil edilən yas məclisində İran prezidentinin köməkçilərindən İshaq Cihangiri, general Qasim Suleymani, general Əmirəli Hacızadə, general Huseyn Salami, general Yəhya Səfəvi, İranın Livandakı sabiq səfiri Əli Şirazi, "Hizbullah"ın Tehran təmsilçiliyinin üzvləri, Suriyanın İrandakı səfiri Adnan Mahmud da iştirak ediblər.
Diqqət: Xəbərdən istifadə etdikdə mənbəyə istinad lazımdır
