Əhli Beyt -ABNA- xəbər agentliyinin verdiyi xəbərə əsasən: Belçika ərazisində iyulun 23-dən etibarən ictimai yerlərdə niqabın qadağan edilməsi barədə qanun qüvvəyə minib, - “RİA Novosti” xəbər verir.
Beləliklə, qəbul edilmiş qanuna görə, niqab qadağasını pozan vətəndaşlar 137,5 avro məbləğində cərimə ödəməli olacaq, son həddə isə onları yeddi günlük həbs gözləyəcək.
KİV-lərin apardığı araşdırmaya görə, hazırda Belçikada yüzlərlə ərəb əsilli vətəndaş niqabdan istifadə edir. Buna görə də hüquq müdafiəçiləri qəbul edilmiş qanunu azlıqların hüquqlarını pozan və ayrı-seçkiliyə səbəb olan qanun hesab edir.
Artıq iki Belçika vətəndaşı yeni qanunvericiliyin ləğv edilməsi tələbi ilə Belçika Konstitusiya məhkəməsinə şikayət ərizəsi ilə müraciət edib.
Diqqət: Xəbərdən istifadə etdikdə mənbəyə istinad lazımdır
