Әһли Бејт -АБНА- хәбәр аҝентлијинин вердији хәбәрә әсасән: “Алма” гәзети фәалијјәтини бәрпа едиб - електрон нәшр кими. “Алмагезети.ҹом” үнванында охуҹуларын ҝөрүшүнә ҝәлән гәзетин баш редактору Ҹавид Рамазанов, мәсләһәтчиси Заһир Әзәмәтдир. Заһир Әзәмәт “Алма”нын илк шеф-редактору олуб. Ҹавид Рамазанов исә 2010-ҹу ил нојабрына гәдәр һәмин постда чалышыб.
“Алма” гәзети 2006-ҹы илдә һәфтәлик гәзет кими нәшрә башлајыб. 2010-ҹу илин нојабр ајына гәдәр мүтәмади нәшр олунуб.
“Медиа форум” сајтына ачыгламасында Заһир Әзәмәт гејд едиб ки, Азәрбајҹан реаллығыны нәзәрә алараг електрон вариантда фәалијјәт ҝөстәрмәјә үстүнлүк верилиб: “Даһа ҝениш аудиторија илә ишләмәк үчүн електрон нәшр үзәриндә дајандыг. Бу, даһа оператив вә кејфијјәтли ишләмәјә имкан верәҹәк. Јени мәрһәләјә ујғун олараг өтән илин нојабрындан индијә гәдәр гәзетин дизајны үзәриндә ишләдик. Сон 10 ҝүндә тест олду вә јанварын 30-дан фәалијјәтә башладыг”.
Заһир Әзәмәтин сөзләринә ҝөрә, гәзетин електрон варианты көнүллүлүк принсипи әсасында чалышаҹаг вә әсасән ҝәнҹләрә, ҝәнҹ јазарлара һесабланыб: “Интеллектуал, мәдәнијјәт, тәһсиллә бағлы маарифләндириҹи мөвзулар үстүнлүк тәшкил едәҹәк”.
Мәсләһәтчи ону да гејд едиб ки, тәсисчи Илкин Һәсәновла бирҝә јени хәбәр сајтынын јарадылмасы үзәриндә иш ҝедир: “Һазырда коллективин формалашмасы вә диҝәр техники мәсәләләрлә мәшғулам. Рәһбәрлик барәдә данышмаг һәлә тездир, амма јени хәбәр сајтынын јарадылмасы истигамәтиндә иш ҝедир. Нәзәрдә тутмушуг ки, хәбәр сајтынын бир нечә дил варианты олсун. Амма сајтын ады “Алма” олмајаҹаг. Башга адла ҝүндәмә ҝәләҹәк”.
Хатырладаг ки, бир нечә ај өнҹә гәрбин исламофобија сијасәтинин Азәрбајҹандакы ардыҹылларындан һесаб олунан вә дәфәләрлә өз гәзтләриндә Аллаһа, Пејғәнбәрә, динин әсасларына гаршы чыхан, мәгаләләриндә дини атрибутлары сөз азадлығы бәһанәси илә тәһгир едән “АЛАМ” електрон гәзети Азәрбајҹанын гејрәтли халгынын гәзәбинә туш ҝәләрәк өз фәалијјәтини мәҹбури сүрәтдә дондурмушдур.
Диггәт: Хәбәрдән истифадә етдикдә мәнбәјә истинад лазымдыр
