Əhli Beyt (əleyhimus səlam) Beynəlxalq Xəbər Agentliyi – ABNA: İlham Əliyev rejiminin Azərbaycanlı inanclı xanım və qız uşaqlarına qarşı tətbiq etdiyi yersiz və qanunsuz qadağası tez bir zamanda bütün dünya medialarında və sosial şəbəkələrində qınaq obyektinə çevrilib.
Aşağıdakı yazı Amerika Birləşmiş Ştatlarının Kaliforniya ştatının Los-Anceles şəhərindən olan bloger Mohd Rafiq Bhata məxsusdur:
Sosial şəbəkələrdə yayılan bir fotoda, azərbaycanlı məktəbli qız hicabını çıxarmaq üçün edilən təzyiqlərə baxmayaraq, onu taxmaq qərarından dönmədiyini göstərir.
Şəkildə “Sənə görə cəhənnəmə getməyəcəyəm” dediyi bildirilir. Bu sözlər dini kimlik, insanın öz inancı və dinini yaşamaq azadlığı ilə bağlı sosial şəbəkələrdə geniş müzakirələrə yol açıb.
Bir çox müsəlman qadın və qız üçün hicab sadəcə bir geyim deyil. O, həya, Allaha sədaqət, kimlik və Allaha şəxsi bağlılıqdır. Hərhansı bir xanımın hicab taxmaq qərarı hörmətlə qarşılanmalı və insanın ləyaqətinə sayğı göstərilməlidir.
Təhsil müəssisələri gənclərə öyrənmək, bacarıqlarını inkişaf etdirmək və özlərini təhlükəsiz hiss etmək üçün şərait yaratmalıdır. Şagirdlər dini inanclarına və ya mədəni mənsubiyyətlərinə görə alçaldılmamalı və ədalətsiz rəftarla üzləşməməlidir.
Dini azadlığa hörmət etmək o demək deyil ki, hamı eyni inanca sahib olmalıdır. Bu o deməkdir ki, insanların fərqli inancları olduğunu qəbul edirik və onlara bu inancları qanunlar çərçivəsində, başqalarının hüquqlarına toxunmadan sərbəst şəkildə ifadə etməyə imkan veririk.
Bu hadisə ətrafında aparılan müzakirələr həm də gənclərə anlayışla yanaşmağın vacibliyini göstərir. Görünüş, din və şəxsi seçim fərqləri heç vaxt zorakılıq, qorxutma və ya ayrı-seçkilik üçün bəhanə olmamalıdır.
ABŞ, Kanada və İrlandiyadakı müsəlman icmaları üçün bu azərbaycanlı qızın hekayəsi hamının bildiyi bir mesajı verir: insanın ləyaqətini qorumaq və onun dini seçiminə hörmət etmək vacibdir.
Allah imanında səmimi qalanlara güc versin, bizi doğru yola yönəltsin və cəmiyyətlərimizi anlayış və qarşılıqlı hörmətlə doldursun. Amin.
#Hicab #DiniAzadlıq #MüsəlmanQadınlar #İnancVəLəyaqət #HörmətVəAnlayış
Sizin rəyiniz