ABNA24 Xəbər Verir , BMT-nin baş katibi Antonio Quterreşin Moskvada Vladimir Putinlə görüşündə Rusiya prezidenti BMT-nin və Qızıl Xaç təşkilatının iştirakı ilə insanların «Azovstal» metallurgiya kombinatından boşaldılmaları ilə razılaşıb.
BMT-nin sözçüsü Stefan Ducarrik bir bəyanatda deyib: Quterreş bu görüşdə BMT-nin Ukrayna barədəki mövqeyini təkrar edib və tərəflər mülkilərin döyüş bölgələrindən boşaldılmalarına və humanitar yardımlara dair təkliflər haqda danışıblar.
Ducarrik qeyd edib ki, daha ətraflı müzakirə, qarşıdakı günlərdə BMT-nin humanitar məsələlər üzrə koordinasiya ofisi ilə Rusiyanın müdafiə nazirliyi arasında keçiriləcək.
BMT-nin Ukrayna müharibəsində vasitəçilik rolu barədəki tənqidlərin artmasının ardınca Quterreş cari il aprelin 19-da Rusiya və Ukrayna prezidentləri Vladimir Putin ilə Vladimir Zelenskiyə məktublar göndərməklə onlarla görüşmək istədiyini bildirdi.
BMT-nin baş katibi Ukrayna müharibəsi başlanandan bəri bu böhran haqda müxtəlif fikirlər bildirmiş olsa da, bu sahədəki fəaliyyəti digər beynəlxalq hadisələrdə olduğu kimi, bir çox tənqidlərlə üzləşibdir.
342/
