Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, İran İslam Respublikasının Müqəddəs Qum şəhərində, İmam Musai Kazım (əleyhi səlam) adına Elmi Hövzəsində, Ayətullah Cəfər Sübhani və Məkarim Şirazi həzrətləri tərəfindən keçirilən “Təkfirçi və Ekstremist Cərəyanlar İslam Alimləri Baxışında” ümumdünya konqresində çıxış edən Yəmən Şafei məzhəbinin Müftisi Şeyx Süheyl İbrahim Qurani Kərimə istinad edərək bütün Müsəlmanları bir-biriləri ilə sülhamiz həyat tərzi sürməyə dəvət edib.
Şeyx Süheyl deyib: “Quran Kərim ayələri Müsəlmanları digər səmavi dinlərin ardıcılları ilə sülhamiz həyat tərzi sürməyə dəvət edir. Deməli belə olan təqdirdə Müsəlmanların bir-biriləri ilə, dinc həyat tərzi sürmələri və bir-birini təkfir etməkdən çəkinmələri daha da vacibdir”.
O, İslam ölkələrinin ekstrimist cəryanlara yardım etməkdən çəkinməklərinin zəruriyyətliyini vurğulayaraq bildirib: “İslam ölkələrinin (xüsusi ilə də Səudiyyə Ərəbistanın) sərvətləri təkfirçi cərəyanlara təzriq edilməkdən isə, xalqın ixtiyarında qoyulmalıdır”.
Şafei məzhəbinin Müftisi daha sonra medianın roluna işarə edərək deyib: “İslam ölkələrində fəaliyyət göstərən təfriqəçi mediaların qarşısı alınmalı, təkfirçilərin cinayətləri isə, geniş sürətdə təbliğ olunmalıdır”.
Diqqət: Xəbərdən istifadə etdikdə mənbəyə istinad lazımdır