Əhli Beyt -ABNA- xəbər agentliyinin verdiyi xəbərə əsasən İran İslam Respublikasının İslam Şurası Məclisində (Parlamentində) İİR Xarici İşlər Naziri Əli Əkbər Salehi bildirib: “Şimali Koreya lideri Kim Çen In Qoşulmama Hərəkatının Tehranda keçiriləcək XVI sammitində iştirak edəcək”.
Jurnalistlərin "Sammitdə Şimali koreyanı kim təmsil edəcək?" sualını cavablandıran İran İslam Respublikasının XİN rəhbəri bildirib: "Məndə olan məlumata əsasən, sammitə Şimali Koreya liderinin rəhbərlik etdiyi nümayəndə heyəti gəlməlidir".
O, həmçinin Misir Prezidenti Məhəmməd Mursinin Tehrana səfər edəcəyini təsdiqləyib.
Qeyd edək ki, bu günədək Şimali Koreya liderinin səfəri barədə mətbuatda ən ziddiyyətli məlumatlar yayılıb.
Diqqət: Xəbərdən istifadə etdikdə mənbəyə istinad lazımdır