Əhli-Beyt
(əleyhimus səlam) Xəbər Agentliyi – ABNA: HƏMAS-ın hərbi qanadı olan Əl-Qəssam
Briqadalarının sözçüsü Əbu Obidə deyib: “Biz sionist rejimin quru hücumlarının
yeganə nailiyyətinin mülki əhalinin öldürülməsi olduğunu vurğulayırıq.”
O əlavə etdi: “Qəzzada gedən müharibənin bütün meydanlarında düşmənə böyük ziyan vurmuşuq.”
Əbu Ubeydə deyib: “Biz müvəqqəti atəşkəs və əsir mübadiləsi əməliyyatlarında sionist rejimə və bütün vasitəçilərə dürüst olduğumuzu sübut etdik.”
O, qeyd edib: “Sionistlərə və onların rəhbərlərinə deyirik ki, Qəzzada heç bir məhbus danışıqlar və əməliyyatlar olmadan azad edilə bilməz.”
Əl-Qəssam Briqadalarının sözçüsü əlavə edib: “İşğalçı rejim rəhbərlərinin sionistlərə Qəzzada müqaviməti aradan qaldıracaqlarını söyləmələri yalandır, halbuki onlar hələ də İordan çayının qərb sahilində müqaviməti aradan qaldıra bilməyiblər.”
Əbu Ubaydə sözünə davam edib: “Biz hər yerdə və cəbhədə olan dirənişli xalqımızdan istəyirik ki, döyüşüb nümayiş və etiraz etsinlər və hər yerdə sionist rejimin gözündən rahat yuxunu və dincliyi alsınlar.”
O əlavə edib: “Düşmən xalqın iradəsini və müqavimətini müharibə ilə məğlub etmək niyyətindədir və bizim də xalqımıza kömək etmək üçün müharibədən başqa çarəmiz yoxdur... hələ də minlərlə mücahidimiz bu rejimlə vuruşmaq üçün öz növbəsini gözləyir.”
HƏMAS-ın hərbi qanadı olan Əl-Qəssam Briqadalarının sözçüsü sionistlərin kor-koranə dinc əhalidən, xüsusilə də qadın və uşaqlardan intiqam aldıqlarına diqqət çəkərək deyib:
“İşğalçı rejim Qəzza zolağının şimalında və cənubunda uğursuzluğa düçar olub və təcavüzü davam etdikcə daha da iflasa uğrayacaq.”
Diqqət: Xəbərdən İstifadə Etdikdə Mənbəyə İstinad Lazımdır!