İran İslam Respublikasının prezidenti Seyid İbrahim Rəisinin təbrik məktubunda bildirilir ki, İranın 21 yaşadək gənclərdən ibarət milli voleybol komandasının Manamada keçirilən dünya çempionatında qazandığı güclü, ümidverici və məğlubiyyətsiz qələbə Ölkə gənclərinin bacarıq və istedadının daha bir təzahürü ilə İran xalqının sevinc və fərəh mənbəyinə çevrildi.
Rəisi İran xalqını bu dəyərli uğur münasibətilə təbrik edərək, milli voleybol komandasının bütün məşqçi və heyətinə, xüsusilə İslam Respublikasının müqəddəs bayrağını dalğalandıraraq İranın adını məşhurlaşdıran gənclərə səmimi təşəkkürünü bildirib.
İranın xarici işlər naziri Hüseyn Əmir Abdullahiyan da İran İslam Respublikasının gənclərdən ibarət milli voleybol komandasını 21 yaşadək kişilər arasında 22-ci dünya voleybol çempionatının qalibi olması münasibətilə təbrik edib.
İranın gənclərdən ibarət milli voleybol komandası bazar günü gecə İtaliyaya qalib gələrək ardıcıl səkkiz qələbə ilə dünya çempionu olub və ikinci dəfə olaraq birinci kürsüyə qalxıb.
342/