Əhli-Beyt
(əleyhimus səlam) Xəbər Agentliyi – ABNA-nın verdiyi məlumata əsasən, misli görünməmiş
istilər dünyanın müxtəlif yerlərində insanlar üçün problemlər yaradıb və bir
çox ölkələr istilərlə bağlı xəbərdarlıq edib.
"Associated Press" xəbər agentliyinin məlumatına görə, daha əlverişli hava şəraiti yanğınsöndürənlərə İspaniyanın "Kanar adaları"ndakı "La Palma"da baş verən yanğının gedişatını azaltmağa kömək edib. Bu yanğın 4000-dən çox sakinin evlərini tərk etməsinə səbəb olub.
Şənbə günü başlayan bu yanğın təxminən 4600 hektar ərazini əhatə edib. Rəsmilər insanlardan adanın şimal-qərb tərəfinə yaxınlaşmamağı xahiş edib.
"France-Presse" agentliyi bildirib ki, Yunanıstanın paytaxtı Afina rəsmiləri havanın temperaturunun 41 dərəcəyə çatdığı üçün Akropolu bağlayıblar, İtaliyanın Roma, Boloniya və Florensiya da daxil olduğu 15 şəhərində də istilərlə bağlı xəbərdarlıq edilib. Çərşənbə axşamı Romada temperaturun 42 dərəcə selsiyə çatacağı gözlənilir. İnsanlara səhər saat 11:00-18:00 arasında birbaşa günəş altında olmaqdan çəkinmələri tövsiyə olunur.
Dünyanın şərqində Yaponiya bazar günü on milyonlarla insanı istilərlə bağlı xəbərdar edib. Demək olar ki, görünməmiş temperatur bu ölkənin bəzi hissələrinə təsir edib. Bəzi yerlərdə, o cümlədən Yaponiyanın paytaxtı Tokioda temperatur 40 dərəcəyə qədər yüksəlib. Bu arada Yaponiyanın şimalında isə leysan yağışları davam edib.
Birləşmiş Ştatlar həmçinin 100 milyondan çox insanı, ölkə əhalisinin üçdə birini əhatə edən həddindən artıq istilərlə bağlı xəbərdarlıq edib və Kaliforniya, Nevada və Arizona ştatlarının bəzilərində havanın temperaturu 48,8 dərəcə selsiyə çatıb.
Diqqət: Xəbərdən İstifadə Etdikdə Mənbəyə İstinad Lazımdır!