Yaxın günlərdə İranla Azərbaycan arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədrlərinin görüşü olacaq.
Azərbaycan KIV-i xəbər verir ki, bunu Azərbaycan xarici işlər naziri Ceyhun Bayramov jurnalistlərə açıqlamasında deyib.
O bildirib ki, görüş İranın Astara şəhərində keçiriləcək: "Bir sıra məsələlər, o cümlədən nəqliyyat, su resurslarının birgə istifadəsi ilə bağlı danışıqlar aparılacaq".
Qeyd edək ,İran Xarici İşlər Nazirliyinin mətbuat katibi Nasir Kənani son günlər jurnalistlərlə keçirdiyi brifinqdə İran-Azərbaycan diplomatik əlaqələrinin gedişatı haqda bildirib ki, " Cənab Əmir Abdullahianın Azərbaycan Respublikasının prezidenti və eləcə də Azərbaycan Respublikasının xarici işlər naziri ilə yaxşı və səmərəli görüşləri olub"
Kənani, əlavə edib ki, " İranla Azərbaycan arasında münasibətlərdə çox müsbət atmosferi görürük" və " Azərbaycan səfirliyinin yenidən açılması üçün bütün şərait hazırdır. Azərbaycan səfirliyinin təhlükəsizliyi ən yüksək həddə təmin ediləcək"
342/